سريب الغلا .

من طرف opengod2000 2012-01-12, 11:39 am

سريب الغلا ياعين موش ايسدك

كل ماالصوب اتجيه ابدمع ايردك

موش اخساره؟

دموعك عليهم ساكبه ابغزاره

كل ماالصوب اتجيه ايشيل ابداره

رحيله ويخالف ويبقي ضدك

موش حرام؟

دموعك اللي سالن مغير ندام

كل ماالصوب اتجيه اتشيله اقسام

ويطرب مع غيرك وينسا ودك

موش كفايا؟

دموعك سببهن خلفن لي دايا

كل ماالصوب اتجيه ايجيب ابكايا

ويجيب لك ذكري اولاف اتغدك

موش خلاص؟

دموعك خفا متواريا عالناس

كل ماالصوب اتجيه ايجيك الياس

وايجيك من مطراه ليل ايهدك

سريب الغلاء ياعين موش ايسدك

كل ماالصوب اتجيه ابدمع ايردك

البرول

ياعيني توبي وانقدعي

الدنيا فيها ماتنخدعي

بسرعه بالتوبه

عالمولي مافيش صعوبه

يغفر للي تاب اذنوبه

وايجيب اللي شوره يدعي

بالك يكفيك

عالغيه اللي تغري فيك

خايف يوم الحشر ايجيك

ومن كثر اذنوبك تنصدعي

ياعيني توبي وانقدعي

الدنيا فيها ماتنخدعي