شد سلاحك

من طرف طرابلسيةحرة 2012-02-02, 8:34 pm

شد سلاحك ولود بيه في كل مكان ... بعدين قول مافيش أمن في البلاد ..
خلي بوخوصه في جيبك وفي كل عركة مد وجهك ... بعدين قول وين القانون ..
أرقد للعصر ولا حتى للمغرب ... بعدين قول خيرها البلاد واقفة ..
شد كرتوني وأكتب عليه أنا أعترض أنا مش عاجبني شئ ... بعدين قول ديمقراطية ..
... سوق سيارة مخنوبة وعليها العلم وضايق خلق الناس ... وقول حرية حرية ... اشباه الثوار ..
دير وراك كمشه مفرخ وقول عندي كتيبة ونقز في رزق الناس ... بعدين قول وين الحكومة ..
قعمز في القهاوي وتفرج على الريال وبرشلونة ... بعدين قول المجلس مش قايم بواجبه ..
ولع 5 دفايات و5 مكيفات وكل اللامبات يخدمو في الحوش ... بعدين قول علاش الضئ يهرب ..
قول هذا طرابلس وهذا زاوي وهذا ورفلي وهذا سبهاوي ... بعدين قول خيرنا متخلفين ..
خرب وأسرق وخلص ثأرك بإيدك وكسر وأحرق وماتخلي شئ في خاطرك... بعدين قول ليبيا حرة

من طرف اسماعيل ادريس 2012-02-02, 11:09 pm

مشكوره وبارك الله فيك
كلامك كله صحيح وواقعي
ربنا يهدي

من طرف amol 2012-02-03, 7:48 am

شد سلاحك

شد سلاحك

رد: شد سلاحك

رد: شد سلاحك