غير تلايم

غير تلايم :::: ولك عهد طول العمر نبقا صايم :::: اصيام عالغلا ياجرح

*********
غير تهاون :::: وهون سطير اوجاع فيي تقاون

... الا جروح الغلا من قبل ما يداون :::: ولا ايفيد فيهن طب لا الحجايم

يابال جرح من بخته عطيب امعاون ::::ولحزان خاونه وليه لزايم

وليام في عيونه سواد اساون:::: ليله ونهاره صايرات ظلايم

وصروح الغلا عنده خلاص تهاون:::: ولا عاد عنده في الضحك قسايم

تهاون وخف اوجاع نومي شاون :::: واني انعاهدك نقوى اندير عزايم

وننسى ليالي بالهموم اطاون :::: وفي صوبهم انعده الله الدايم

********
غير تلايم :::: ولك عهد طول العمر نبقا صايم :::: اصيام عالغلا ياجرح

*********
بالك تبرا :::: وتلطف بحال انسان كامل صبره

امقضي حياته بين شوق وعبره ::::: وفي جعبته منك نصيب هزايم

وحتى وجرح حبيب واعر جبره ::::: وانكانه جبر اضل ليه علايم

تلايم وخود العهد ناخد عبره ::::: وعلي فقدهم ماعد اترق عزايم

لين نندفن وتقول هذا قبرا ::::: ومكتوب عاللحايد قبر واحد هايم

شكرا ستار كلام رائع وفقك الله

كلام جميل شكرا ستار

ششكرا لكم وللمرور

مشكور وبارك الله فيك

شكرا للمرور

مشاركه رائعه...وفقــــــك الله وننتظر منــــك المـــــزيد

شكرا للمتابعة والاطلاع