رد: لعبة حصرية ..مربوعة المنتدى سهارى المنتدى شات دردشة المنتدى

من طرف **زهرة اللوتس** 2012-02-23, 10:31 am

تذكير بمساهمة فاتح الموضوع :

امووووووووووووووووول ردي لعبة حصرية ..مربوعة المنتدى سهارى المنتدى شات دردشة المنتدى - صفحة 21 158999

من طرف **زهرة اللوتس** 2012-03-06, 9:27 pm

ههههه رااهو اتقولي من جماعة الفيدرالية ..والا كيف الراي

من طرف محمد اللافي 2012-03-06, 9:32 pm

لا بس المفروض حكو علي الاسباب وسألو ليش صار هكي

من طرف **زهرة اللوتس** 2012-03-06, 9:36 pm

لا سبب ولا اشئ...وهما وين كانوه اصلا الي طلعوه وحكوه اليوم من قبل
عموما توا اموووول معاي في الفيس اتسلم عليك هلباااااااااااااااااااااااا والنت عندها فااصل داخلة من عند اختها بس ع الفيس

من طرف محمد اللافي 2012-03-06, 9:41 pm

الله ايسلمك
علي يا لوتس راجعي الي صاير والله طرابلس محتله والدوله محتله من الجويلي والحاشيه امتاعه من كتائب ناكر والاخظر
يا عالم مليارات الله مليارات ليبيا في ايد ناس جاهله سراقه

من طرف homeland 2012-03-06, 9:47 pm

معليش ما فيش سبب مقنع لهم ..هى اغراض شخصية وجهوية ..وان كان على تقصير المجلس فأنتم صبرتم كثيرا على القذافى ؟وتطلبون التغيير السريع الان هذا تناقظ؟....واذا كان على الظلم فكل مدن ليبيا مارس القذافى عليها كل انواعه ..لقد جرجنا هذا التصرف كثيرا ..فنحن نريد ليبيا ارضا واحدة وليست ممزقة....

من طرف **زهرة اللوتس** 2012-03-06, 9:51 pm

عارف انا كزهرة اللوتس ..من تنقلي بين الاخبار كل واحد يحكي شكل عارف هههههه نحلم ونكوبس الاياام هذه باخبار ليبيا..والي صااير لازم منه فوووووووووووضى ومفيش مسئوليه....وكلها تبي تسرق سواء الي ماسكين والا الي طلعوووووه اليوم...

من طرف homeland 2012-03-06, 9:54 pm

صح كلامك زهرة ..وانا فى اعتقادى انهم ايماكروا فى بعضهم....

من طرف محمد اللافي 2012-03-06, 9:56 pm

انا ما قلتش اني فدرالي بس الظلم حرام ليش مافي حد منكم او من المجلس طلع حكا علي مليشيات وزير الدفاع او علي العار الي صار في الكفرة او علي مشكله الحجاج توا بس كيف طلع في اعلام وناس مثقفه وتعرف تحكي

من طرف **زهرة اللوتس** 2012-03-06, 10:02 pm

والله كنا انقولوه في وجه نظرنا..........بس انقولك شئ خلك من المليشيات والقصة الاخرى تماام
انت تواااا رااضي انهم يطلعوه هكي ويحكوه باسمنا ويقولوه اعلنا برقة........؟.؟الحق مفيش حد رااضي..وين حق باقي اهل برقة في انهم يسالوهم
وكله ناكر والي صار في الكفرة...عارفين بيه وماطلعوه مظاهرات عليه لعند امس طلعوه ضد ناكر والاخضر والمليشياات كلها..

من طرف homeland 2012-03-06, 10:04 pm

بالنسبة للمليشيلت كلنا لسنا راضيين عنهم ولكن هذا لايجعلك تصل الى تقسيم ليبيا؟ نعلم ان وزير الدفاع سبب المشاكل ولكن هذا يعطيك دافع على ان توحد ليبيا لا ان تفرقها..........

من طرف محمد اللافي 2012-03-06, 10:15 pm

يا جماعه انا والله ماني مع التقسيم وممكن انكون اكثر شخص فيكم لان عملي واصحابي ورفاقتي مستحيل انتخلا عنهم
وهضا عليش انا متأكد ان ليبيا مافي حد يقدر يقسمها لاني عارف ناس امغرب ومعاشرهم سنوات طويله موش يوم او اثنين ناس ما انفضلهم عليكم ليبيين احرار وهل نخوة وما اتغركم الكلام الي ايصير انا لومي كل لومي علي المجلس هو السبب في كل المشاكل وللمرة المليون وديما انقول فيها ليش المجلس ما يقطع دابر الفتنه من الاول ويخليها نين اتصير وهو عارف ان في ناس تستغل في قصور المجلس لمصالح شخصيه

من طرف **زهرة اللوتس** 2012-03-06, 10:26 pm

انا معاك المجلس معرفش ايدير المرحلة هذه..والضعف منه .لانه لو كاان ضرب بيد من حديد من الاول رااهو حاجات وااجدة ممكن تصلح ومكنتش صارت من الاسااس..لكن هذا الي صاير....توا انشوفوه شنو بيديروه في الاياام الجااية

من طرف homeland 2012-03-06, 10:28 pm

استاذ محمد اللافى شوف انا عارفة ان هناك تقصير من المجلس ولكن اعطى لهم الاعذار فى الكثير من الامور..لان هناك اشخاص لهم السيطرة على الامور فى ليبيا وهم يحركون اشخاص لعمل هذه الامور التى تربك من الدولة...واقول لك انا من الغرب وواثقة فى المستشار مصطفى عبد الجليل ...والكيب ...

من طرف محمد اللافي 2012-03-06, 10:39 pm

شرفتينا اختي والله فاهم وعارف وكلكم خايفين علي ليبيا بس كل حد من نظريته
ومافي ليبي حر يرضي بتقسيمها لكن لعند امتي نختلقولهم
انا متاكد لو عبدالجليل والكيب لو يطلعو في نص طرابلس ويقولي ياناس راهو فيه وفيه والله الناس من الغرب والشرق اتصبي امعاهم لكن السكوت مالهش مبرر