هـــــــــــــــــــــام كيف يكون الاحترام بين الاعضاء؟؟؟

[/center]

عبر عن رأيكـ ودافع عن حقوقكـ ومبادئكـ بصوت مسموع ولكن لا تنسى أن تضع مساحات من الحب والإحترام أمامكـ

ارجو ان اعضاء الادارة والمشرف تثبيت الموضوع
بجد موضوع مميز ونحن بحاجه لمثل هذه المواضيع مشكورة شموخ علي موضوعك الرائع

مشكور محمد ونتمنى من كافه الاعضاء ان يأخذو النصائح بعين الاعتبار لنرتقى الى العلا دوما

كلام جميل ... ولاغبار عليه ... نابع من قلب صادق ... وقلم رائع ..

أثنى عليه كل الخير .... فقد كنت أفكر فى طرح هذا الموضوع ...إلا أن

قلمك سبق قلمى ... فكانت بصمتك أسرع .....

]11- اذا كنت تحمل قلماً جيداً ومبدعاً فحاول ان
]تفتــح بـه فكـــراً
]تضيئ بـه شمعـاً]
تعــــلم بـه خــلقـاً ]تمسح بـه دمعــاً[/
]ترسـم بـه فرحــاً]


فأنا أول من يضع هذه اللآلئ على قلمى ...أشكرك شموخ ....

مشكور وبارك الله فيك ياشموخ

اختي الكريمه فداليبيا لما نزلتي ردك علي موضع في منتدي الشعر الشعبي انت اللي بديتي في وقلتي اتشهدو في الراجل زور ولما تمن بين رسائل علي الخاص حكيت امعاك زي اخ اصغير يحكي مع اختي الكبيره

لكن انتي اللي درتي جو موش تمام وعارفا روحك شن دايرا اما موضوع الصوره فذا مقطع فيدو والكل عارف موش انا اللي قلت (توينهم عرب البيضاء )

سامحينا ياشموخ

1 قصة الشراره معروف والعالم كله عارفا وقالها الكم مصطفي عبدالجليل وقلتي مزرور

2 وقصة كم بندقه وجملتو علينا بيهن الحمد لله عمرنا ماجملنا علي حد

3 اما استنجدو ةبيكم هلكم صاحب المقطع معروف اصلا وفصلا من وين

دعونا نبتعد عن الأحاديث الجهوية .. التي تثير المشاكل بين أبناء الوطن الواحد ..

أنا من بنغازي وأقول شكرا للمرج و البيضاء و درنة و طبرق و اجدابيا ومصراتة و الزاوية و طرابلس و الزنتان و نالوت و زوارة و لكل من انتفض و ثار و لبى نداء صرخات بنغازي ..

في الأيام الصعبة كنا على قلب رجل واحد و نتصل بأقاربنا في البيضاء لمعرفة أحداث مطار الأبرق و كنا ندعوا الله أن ينصرهم فقد استشهد منهم الكثير و انتشر المرتزقة و عاثوا فسادا و انتصار الشرق كان إعلان تحرير ليبيا الذي أُجِل لأجل طرابلس

و عندما سقطت الزاوية كان أكثر الأيام كآبة في حياتي لم أخشى على الثورة لإني علمت من أول لحظاتها أنها منتصرة لكن كان خوفي على أرواح الناس فيها مع إني لا أعرف فيها أحدا

و مع مصراتة عشنا أصعب الأيام تمر الليالي لا نعرف طعما للراحة و نحن نرقب قتل الأطفال والحرائر و عادت إلى روحي الحياة عندما انتصرت مصراتة

لم نكن نتحدث باسم مدينة كانت فقط ليبيا هي المتربعة في قلوبنا

لماذا الآن بعد أن أنعم الله علينا بتحرير ليبيا !!! لا تسمحوا للحاقدين أن يفرحوا بخلافاتنا..

أرجوا أن تعلموا أنه لا فضل لليبي على أخيه الليبي
و لولا فضل الله علينا و رحمته بنا لما انتصرنا ..
أرجوا من كل ليبي احتراما لأرواح الشهداء و تقديرا لكل قطرة دم سالت في ثرى ليبيا أن يكف عن الأحاديث الجهوية

مشكوره اختي الكريمه بيورهات هذا الكلام اللي ايزلط الوجه

مشكوره زهرة اللوتس ماقصرتي

لكن اللي قاهرتني هي اللي بدت في من الاول وشوفو موضوع الشعر امتاع يااجدابيا جاك النبا مالبيضاء

ولما صار النقاش علي التوقيع اللي من قبل امتاع اجليل والشراره

هيا عندها رسائل الخاص وخلوها اطلعهن كان غلكت فيها او عبت في مدينتا اللي تبوها مني حاضر

الامر الاخر عمري مادرتا نجادل نا ومراه لانا مهما ايصير حتطلع انت الغلطان

المره اللي فاتت خذيت بلومت عبدالحفيظ والمره هذ واخذ لومت جمال المروج وبيورهات وزهرة اللوتس

ومعندكش مشكله يافداليبيا وخوك الصغير وغلط غير ايش اللي ترضيك

عذرا شموخ ..

فقد خرجنا عن موضوعك .. و لكن لم استطع أن أكتم ما جال في خاطري ..

و أشكر لك موضوعك الأكثر من رائع ..

كل الاعتذار الي الاخت شموخ أنثي

لك كل الشكر جمال على هذه البادرة الطيبة .. و أضم صوتي لك ..

جعلها الله في موازين حسناتك

إن شاء الله ما في زعل فدا و العاشق خوت

عين و طارت

شكرا أختنا هارت عل الكلمة الطيبة .....
مازلت أنتظر فدا والعاشق للتسامح

وانا كذلك

مازلت أنتظر فدا والعاشق للتسامح

فدااااااااااااااااااااااااااااااا وينك

ان الاحترام هو السبيل لتواصل وكل منا يعرف الذى له والذى عليه..

شباب لللاسف انا تفاجئت بردودكم وخاب املى كثيرا الموضوع هذا انا حاطته عشان الاعضاء الجدد وكيف نكون حريصين فى معاملتهم مش دايرتا للشراره من

ولا من وين تشتشت انا كنت نبى الموضوع يتعرضلا كل عضو حاب ينضم لعيلتنا مش عشان نحن نحلو مشاكلنا الخاصه فيه..

[quote="جمال المروج"]السلام عليكم ورحمة الله وبركاته : يقول الله عزو جل في سورة آل عمران :

{ واعتصموا بحبل الله جميعاً ولا تفرقوا واذكروا نعمة الله عليكم إذ كنتم أعداءً

فألف بين قلوبكم فأصبحتم بنعمته إخواناً ....} آية 103

فنحمد الله على نعمة الانتصار .... ونفتح صفحة جديدة أخى الكريم العاشق وأختى الفاضلة فدا ليبيا

فنحن لسنا فى وقت نزاع كلنا نعلم مدينة البيضاء الشموخ أبناء الشيخ المجاهد البطل عمر المختار

وكذلك لا يخفى علينا مدينة بنغازى عروس الشرق فهى تعز علينا جميعا ....

فإنى أعرف الأخ العاشق الصغير على مقربة منى فهو يحب كل الأعضاء ويحترمهم ولولا خلقه الكريم

بارك الله فيك جمال كلامك قمة العقل مشكور فمشهود لك دائما بأصلاح ذات البين

اعذرنى لانى لم اعقب على ردك وبارك الله فيك

ما كان بيننا مشرفاً فى المنتدى ..... كما لاأعلم على اختنا الكريمة فدا ليبيا إلا كل خير

أرى أن الأخ العاشق قد قدم اعتذارا للأخت فدا ليبيا وهذا تواضع وخلق رفيع منه بارك الله فيه

كما أننى انتظر من أختنا الكريمة والفاضلة فدا أن تقدم هي أيضا الاعتذار لأخيها العاشق

حتى نقطع حبائل الشيطان ونذعن لقوله الله تعالى ولا تفرقوا ...

فكل منكم يريد الخير لبلادنا ... وكل منكم يريد الرفعة لليبيا المجيدة ..... فكونوا عباد الله اخوانا ....

هذا رجائى من الأخت الكريمة ونتذكر قول الله تعالى : فى سورة النور :ـــــــــ

{ وليعفوا وليصفحوا ألا تحبون أن يغفر الله لكم والله غفور رحيم } آية 22

هذا الذى أرجوه منكم أنا وقلمي فلا تخذلونني ... بارك الله فيكم جميعا

والشكر لأختنا حواء وأختنا هارت لكلمتهما الطيبة ...




مشكور جدا جمال لهذا الاطراء الرائع الذى اصاب وقته تمام فمشهود لك بمثل هذه المواقف فى اصلاح ذات البين جعلها الله فى ميزان حسانتك واعذرنى لانى لم انتببه لردك الكريم

بارك الله فيك

أعتذر للاخت العزيزة صاحبة الموضوع ..اما بالنسبة للاخ العاشق الصغير..انا بعثت لك رسائل خاصة وانت رديت عليا ومافينا حد غلط في حد ...وانا لما حكيت حكيت عالتوقيعات لانهن يثيرن الفتنة ويشمتن فينا الاعداء..يعني شنو بنغازي وشنو البيضاء كلنا ليبيين وكل مدينه لها فضل عالمدينة الثانية ولولا تأزرنا وتماسكنا ماأنتصرنا وأنا أول مواضيع كتبتهن عندكم بداية دخولي للمنتدى يحكن علي هالموضوع ..بعنوان الفتنة اشد من القتل..وانا نعتذر مرة تانية من صاحبة الموضوع وانا حكيت في موضوعك بيش الكلام يكون مفهوم لدى الجميع..وللاسف كلكم حطيتوا الحق عليا وكأنهن توقيعات الاخ العاشق شي عادي ومايثيرش الفتنة ...وانا اسفة ومعاد نبي نحكي مع حد....

فداليبيا عقلك اكبر من هك
رانا خوت

فدا ليبيا راك اخت عزيزه وغاليه وكلامى مكانش لك

وحصل خير والعتاب بين الاحبه مافيش زعل

أشكرك فدا ليبيا ..... حتى دخولك والاعتذار من صاحبة الموضوع الدكتورة شموخ

بادرة طيبة ... ونحن لانعلم إلا خيرا ...و ليكن فدا ليبيا اسم على مسمى اسمك مشرف جدا

فنحن لم نخطئ فدا ليبيا ولكن أقفلنا الموضوع ونريد أن يعتذر كل من الطرفين وننسى الموضوع القائم

بينكم حتى تتألف النفوس وأعتقد انكم من أفاضل المنتدى وعليه نرجو تقديم صورة حسنة فى التسامح

لأعضاء المنتدى والزوار ... ولك منى فائق شكرى فدا ليبيا ....