مانسيته يوم أمغير قدام الخلايق دايرين أعزوم

من طرف **العاشق الصغير** 2012-03-13, 2:38 pm

وصلتني رسالة في النقال وكانت غناوة علم أتقول

تبكي عليه وين طروه كذابه أتقولي ناسيه

دردرتني وعجبتني وقلت عليها أكليمات

مانسيته يوم أمغير قدام الخلايق دايرين أعزوم

بوغثيث أمجدل نبكي عليه ومانسيته يوم

مانهر أنسيته حتي كان فيها ماكتب قسميته

كتاب الغلا فيها العين حسدها

كيف ننساها ونا مانقدر أنعيش يوم بلاها

حتي كان أنغنت ياخوي يامحلاها

توقتا علي وان النوم

ماندير أعزوم وغني أيتهايا كل وقت ويوم

كيف أندير أعزوم

كيف ننساها وهي ربي كل الجمال عطاها

حوريه في صيفت بشر خلاها

سبحان ربنا خالق الكون

ومازلت سامر من سباها

ومازلت أنراجي نين العمر أيهون

وحق خالق الكون لو صوابع اليد أساون وتمن توم

ماننسا غنـــــــــــي وحق خالق الكون

ماننساها أم بنت وعيل يامحلاها

مازلت أنراجي ومازلت ع العهد لول أنداجي

عدن أربع أسنين ومازلت أنراجي نين ايتمن عشر اسنين

يابو أمجدل كيف جيش الصين

ويابو أعيون أتقول غدريتين

نسيتك ألها نلقاء العزم أمنين

قليل مثلها يابوقرين وماتلتقاء بين الخلايق

نسب ومخول وذوق ودين كلي الجمال ماله وصايف

ونا طالبك يالموعين يالله يارزق كل الخلايق

،تجعل أقسامنا فالزين وغني أتعيشا في رغايد

واختام صرحتي ياسامعين(ياقاريين) صلو علي الشفيع بو وجه ناير

محمد عليه الصلاه والتساليم بعداد كل نجم وترايب

وأيش خطر هاتجرنين الا جيت رسايل

وسلمتو

العاشـــــــــــــــــــــــــ الصغير ــــــــــــــــــــــــــق