يابورفيق جريح.......وشايل احمول وقابلتني ريح..ونا ف الخلا

يابورفيق جريح.......وشايل احمول وقابلتني ريح.......ونا ف الخلا
جريح امهرد
شايل اهموم و ف الهموم انطرد
في وطن خالي في ليالي برد
اجروح الغلا ننهضبهن وانطيح
مفروع الرحيل وف الرحيل امشرد
التمن علي الياس والتمويح
ربيع الغلا وينما اقريب ورد
وروس الزهر طابن على التفتيح
والطير للسما طاير جناحه فرد
زاهي ايغرد ف المدا الفسيح
جاهن اللي جابه الياس امجرد
هيزوع قبلي لاطشاته ريح
اغروب قبل كاين في سماي امورد
ساعة اطياح الشمس وين اتميح
من ضحن القبالي من سماه اجرد
وايام الزها غابن علي صحيح
وين ماعكس وقتي علي تمرد
تركني علي صدر الزمان طريح
م ن ق و ل

بارك الله فيك ....صحيت

مشكـــــــــــــــــــــ وبارك الله فيكم ــــــورين