قصيده للشاعر عمران القزون

من طرف جمال طاهر الفائدى 2012-04-16, 2:37 pm

ناوالزمان اقلابه***فطمنى عليه افطام ما نشقابه****** سريب الغلا
لاتشقيبه****************** وحطى افداه الصبر واداويبه
الوقت شين ضامنى اظروف رهيبه....... ما عاد نلقى بال له نفضابه
ويعلم الله اللى عليم بغيبه...........ما عرض مسلم عادتى نلهابه
غلاك صار فى وقته وعنده طيبه........ واليوم كى اخطى وقته شطبت احسابه
بروحى انعول فى خراب سريبه........... حتى انكان ماودى انكون اسبابه
لى قلب ما نرتاح من تعذيبه.......... حتى لو ارضيت النقص ما يرضابه
عليه ساعدينى بالخطا كنيبه......... ايلين انتريح من امرار عذابه
سريب الغلا مليت من تجريبه......... مصاوب وثالث ياس نداوابه
وميمول الغلا يختم على تخريبه........ حتى لو ارضيتى ما عصيمك يابه
وحتى انكان لنا جهر ما يحكيبه........... ايبين اللى فى القلب ميح وجابه
وانكان ما نطق عينه علل تدويبه........... وثانى معاه الحق كان دوابه
دونك ظنا عمك اعداد كتيبه......... حكايم على نيل الرضا تزابه
ونا شخص راقد ريح خالى جيبه........ مدروس م الدهر عايش اسنسن ارهابه
واخذى من امجرب درس ما تدريبه.......... يبانلك على طول الزمان صاوبه
ثلاث اتقرب م الحبيب حبيبه............ محبه ومال معا عروق قرابه
كلام المحبه خوك مو راضيبه.......... حتى لو جحد مدعاى مايشقابه
ولا مال عندى نين بيه انجيبه........... ولا عرق دم امعاه بيش ايهابه
وانى نهين نفسى له نحمل عيبه............. لا وحق من سواك له ما نابه

وثلاثه اتقطع فى الحبيب نصيبه............. صغاء ايام واقسامه وخلوا اجرابه
الا الفقر مو ساهل على انسيبه............. رفيق عمر مستاصل صعيب اغلابه
ونا خاطرى مكسور من يدريبه........... وضعه امعاهن ما عدل نصابه
عليه الثلاثه لولات صعيبه............ كلا من الثلاث التاليات اصحابه

من طرف أحمدعياد الغيثي 2012-04-20, 7:24 pm

مشكور أخي جمال طاهر .

من طرف ناجي الساحلي 2012-04-22, 8:57 pm

قصيدة اكثر من رائعه

قصيده للشاعر عمران القزون

قصيده للشاعر عمران القزون

رد: قصيده للشاعر عمران القزون

رد: قصيده للشاعر عمران القزون