نبكي عليك اليوم

من طرف **STAR** 2012-06-22, 10:17 am

عندك فكرا .. كيف مابكت عينى افموتت ذكرى
نبكي عليك اليوم .. عندك فكرا ؟

عندك علم ؟
اللى واجعتني المرمدا والظلم
... ياما احلمت وعشت فيه الحلم
انك اتكوني من حلالي بكرا
عندك فكرا .. كيف مابكت عينى افموتت ذكرى
نبكي عليك اليوم .. عندك فكرا ؟

عندك راي ؟
اتشوري عليا بيه يامشكاي
ماعاد عينى قابلا تلهاي
ولاعاد نوزن فى اشعاري شطرا

عندك فكرا .. كيف مابكت عينى افموتت ذكرى
نبكي عليك اليوم .. عندك فكرا ؟

عندك حل ؟
اتجودي عليا بيه قبل انمل
العيشه ركيكه لاسند لاهل
ولاحد يفزعلي حياتي نكرا

عندك فكرا .. كيف مابكت عينى افموتت ذكرى
نبكي عليك اليوم .. عندك فكرا ؟

عندك حيله ؟
اتفرج على قلبي اهموم ثقيله
ننسى غلاك اوغيتك فى ليله
ويصبح عليا صبح مشرق بكرا

عندك فكرا .. كيف مابكت عينى افموتت ذكرى
نبكي عليك اليوم .. عندك فكرا ؟

عندك حلم ؟
ايهون عليا من سطير الالام
عانيت واجد مانفعني علم
مطعون طعنت غدر فيها مكرا

عندك فكرا .. كيف مابكت عينى افموتت ذكرى
نبكي عليك اليوم .. عندك فكرا ؟

عندك وهم ؟
بيعيه ليا بسعر اعلي سهم
مايهمنى اتقولي قليل الفهم
المهم نهجر طيفكم والذكري

عندك فكرا .. كيف مابكت عينى افموتت ذكرى
نبكي عليك اليوم .. عندك فكرا ؟