الجديد القديم الرجاء الخاطر العزيز الياس المرهون القسم والنص

( الجديد )
(( يالجديد العين تريدك وانت تطرف بيها بيدك ))
(( مانحساب جديدي شاطر يمسح كل اجروح الخاطر))
(( خلاص ما اتريد قديم غلا جديد عينى صوقرت ))
(( مـــــداوي بصوب جديد خطــم قديم واطيت النظر))
(( في يدين الجديد احصلت واليوم يا قديمين ماني الكم ))


( القديم )
(( حرمت يالقديم ابعدك الصوب والمغلاة والونس ))
(( بعد اخلاف صار اصداف قديم حسيت في عيونا ندم ))
(( هد هدوده العين حنونه قالت كيف قديم نهونه ))
(( قـــــــــــــديم يالعين اطلقك عليش ماسكة فيه اطلقى ))
(( قديمي والبيت أحذاء البيت أمرار اسود ما كيفا ريت ))


( الغلا )
(( ديما ياغالي بقدارك مو غلطان العقل اختارك ))
(( سمح يا غلا لثنين اللي ماخطا صار بينهم ))
(( امرار وقت وامغالا لثنين ظلم يالايميني ))
(( تجريح وبكاوسمور هذين هن جرارك يا غلا ))


( الرجا )
((خايف لو كانى نرجاهم لولاف ايجونى ابضناهم))
(( ان طال عمرنا نرجوك وان متت ياغلا لاحقينك )
(( وااجدين ياغـــلا طالوك من غير لا رجا لاقطمره ))
(( اللي كنت في مرجـــــــــاه من قال لك ارجاني قال لي ))
(( ارضـــــــي بياسهم يا عين و انسي عزاز مرجاهم طول ))


( العزيز )
(( احسبت ياعزيز احساب وجاني احساب ماني حاسبه ))
(( اعزاز واخذين العقل مانروق نين يالاي يقعدو))
(( مع عزيز ريت ايام ايعاودن نكد ماحسبتهن ))
((عزيز ما عزيز أبعده نحلف عليه ماني مسيبه ))
(( عزيز كل يوم براي اوحلت فيه لا رام ولا نفر ))


( الياس )
((غيمت ياس مطرها دوبى تمطر فوق مكابر صوبى))
(( صيور صبرنا مـــــــــــاحيه الياس مو علي طول عمرنا ))
(( ارضيت بالجفـــــــا والياس وانسيت ناس كانو منيتى))
(( عزاز غصب عالياسات ان فيهم اقسام ايلايمو))
(( موقاسم لولاف ونسهم هم حطو والياس كنسهم))


( الخاطر)
(( مالولاف انريد اديونى كبدى والخاطر وعيونى ))
(( كى ارضيت كى ما ارضيت ، خطاهم احصل يا خاطرى ))
(( سريب غير هــــــم ماجاب ، الخاطر على طول ما فكر))
(( كريت الغطـــــــــــا وبكيت ، بشويش نين الخاطر فضا ))


( المرهون)
((عندى امعاك يامرهون ، ماضى اسنين لا عام لاشهر))
(( حتـــــــــي ونت فيد الغير ، ما بيت يا مرهون تنتسي ))
(( يامرهون اللـــي ظراتك ، بايعنا بعرب باعاتك))
(( يا اللي ارهنت كي ننساك ، لجلك كليت روحي بالندم ))
(( مرهون مابلاه انحمـل ، امغير هنا بيني وبينكن ))


( القسم والنصيب )
(( فيه اقسام وفيه خطا ، احسبها قبل ادير غلا))
(( ماملي قسمه جايبله ، راقد و الريح اتحطبلا ))
(( أنطول كان راد الله ، القسم موش فيدك يااللي ))
(( لقسام هن اللي لاطات ، بلغ عزيز راني امسامحه))
(( مرات نظلمك يا قسم ، نلقى العيب م اللي انريدهم))

ايموت غلاك وعرقه حي امسكها يالقديم علي
قديم ايخايل دونك لي اكتبلي بيش النوم ايجي
مازال القديم ايخايل نين ايفرق بين قبايل
بشويش مادير جديد مرات قديمين يقسمو