الطحالب ليلومو ع بعضهم ههههه

من طرف علي صالح ابشيش 2013-08-06, 3:37 am

يــامن هربتـــو وتـــاركين بــــلادي ،،
مــش قــبل قلـتو مانهابو الصادي !!
مش قبل قلتو فحوله ،،
احني فداك ياصقر العرب والدوله ،،
قــدرك وراســـك روســنا نفــــدوله ،،
إنهـــبو إليا جـانا غــريــب يعــادي ،،
علي أعــداك نحنا إمدايرين الغوله ،،
إحــني حصــن للفــاتح وللمبــادي ،،
ويــاما رقصــتــو قبــل وهتـــفتـوله ،،
بالــدم لاتهتــم نمـــحــو الــعـــادي ،،
لــكــن تغــير هالــكــلام فـــصـــوله ،،
طـلـع قـولـكـم للــفعل موش إمقادي ،،
تركتـــوه كــل الوطــن عرض وطوله ،،
يـــوم المنـــحس في التـريس ينادي ،،
النــاس البســيطه كــلــهم صبـــوله ،،
اللي قـــبل عـــانو فقر ماهو عــادي ،،
قـــداش دارو فـــي المـــداعـك جوله ،،
ورثو طبــايع مــن تــريس اجــوادي ،،
وانـــتم ضـــراريكم نــهار الهـــــوله ،،
مشـــو فـــازعين إلســفرهم جرادي ،،
لاهــمــهم هالــوطـــن لا فــزعـــــوله ،،
البيــــوع ديــــما طبعــهم الأوغادي ،،
علـــي النــاس هلي كاينه مسؤوله ،،
عنـــهم كتبـــناها القـصـيـده هـادي ،،
الامــــوال سرقو اعداد مش معقوله ،،
وباي باي قــالو ياتـــراب اجـــدادي ،،

سرقتو نصيب فلوس ،،
بها ترقصو في الديســــكو يافرسان خيل ،،
وانتم جـــعلتوه البــــلاد إيــحــــوس ،،
ومنــكم تلــخبط ،، قــبل كاين هادي ،،
انتم يهـــود ، ومــجرمه ، ولصــوص ،،
خـــوف وخــيانه طـــبعكم م البــادي ،،
الأجــــواد ضــــحو عل وطن بنفوس ،،
وإنتـــم هربــتو تســــهرو في نوادي ،،
أغبـــر بــدي هالوقــت بيـــنا يلــوص ،،
وركّــــب مضـــايع عل تريــس إبادي ،،
باهـــي ســـرقتو ،، ليــش ياماجوس ،،
ماتصــــرفو علي شبابنا اللي غادي !!!
اللي إمفلــســين وحـــالهم معـــكوس ،،
مســــاكين هـــجرو وفــــارقو لكبادي ،،
وليـــش تجـــعلو فانوســـهم مطموس ،،
مادام درتــــو بالفــــلـــــــوس زرادي ،،
وآخـــر كــــلامي ندكـــرو الــقــدوس ،،
وندعـــــوه مــــولانا الكــــريم الهادي ،،
يـــبدو المخــــانب بختــــهم منــحوس ،،
ولا عــاد راحــه يشــبحو لا ســعادي ،،
ويجــعل عبـــــاده يســـكنو الفردوس ،،
اللي ع الوطــــن ضحو كما المعتادي ،