دنيا غروره ماتدوم لوالــــــــــــــــــي

دنيا غروره ماتدوم لوالــــــــــــــــــي

تعطيك روقه وتنبرم ف التالــــــــــــي

مره لها طرباتــــــ ..

ومرات تخدملك علي سيـــــــــــــــــات

وإن راق حالك عندها قلبــــــــــــــــات
...
وتجيك الكواين من عزيز وغالــــــــي

هابا عليها يا الها حوســـــــــــــــــــات

تخلي شديد العزم منها جالــــــــــــــي

يالها تنكيـــــــــده ..

تبكي اللي فرحان ليلة عيــــــــــــــده

تحوز بشقاها وفي الوان عديـــــــده

مايلطف علينا الا الكريم العالــــــــي

والصاحب اللي تنويه عناك يزيــــــده

وف كثرهم لصحاب ما يلايم والـــي

ساعات وين تميل ..

ويكثر عليك احمولها الثقيـــــــــــــل

ماتلقى ودود ولا حبيب ايقيــــــــــــل

تبقى تعاني في سواد ليالـــــــــــــي

وساعات ما تحمل كداها تشيــــــل

وع لثر الكدر والهم نومك جالــــــي