قوّي اليبرة يا دكتورة.. سواء يموت بين ايديك والا يبرا

من طرف **dude333** 2013-11-24, 11:04 pm

يا دكتورة

قوّي اليبرة

سواء يموت بين ايديك والا يبرا

دقي علي كيفك

دقي بقوة
لين اتوارى في وريدي جوه
ما يشغلك يام الغثيث املوا
ايبات في هنا والا ايبات ف قبره
ليّا زمااان عليل ماني توه
غير ماشكيت بلوعتي والعبرة
وكيف قبل كيف اليوم هوّا هوّا
ديمة امعاي الجرح هدا سبره
قوّي اليبرة ..

دقّي .. دقّي
ومش مشكلة لو ف العضام اطقّي
وراس بوك ماعزمك عليّ اترقي
حطي سنين اقرايتك والخبرة
عالجرح جيبيها وبيها شقّي
طريق الشفاء بالك اجروحي تبرا
حقك علي الصبر وانا حقي
عليك تجبري خاطر تواعر جبره
مكسور من خطا الاولاف لين اتحقي
في حالته كيف باقية منغبرة
ولاتاخذك رافة ولا تتقيّ
بغزير هذب لونه كيف داكن حبره
علي قوّ ماتقوي وراك اتبقّي
م الغيض حاجة بيش ناخذ عبره
وننسى غرام اللي العين امشقّي
واتروق كبد دبلها جميل النبرة

قوّي اليبرة

سواء يموت بين ايديك والا يبرى

دقي علي كيفك