كبه بلبن سريعة

كبه بلبن سريعة

المكوّنات
3 اكواب برغل ناعم
3 حبات بطاطا حجم وسط
3 اكواب ماء مغلي ونصف كوب
م ص ملح م ص كمون م باربيكا رشة فلفل اسود
2 ملاعق نشأ

الخطوات
1
اول خطوة بحط البرغل بصحن واسع وبضيف البهارات وبقلبهم وبضيف الماء المغلي فوقه وبقلب وبغطيه لساعه
2
بسلق البطاطا ، وبتركها تبرد
3
بنقل البرغل بصينيه واسعه وببدا اعجن واقلب وافرك البرغل كثير كويس ، وبعدها بضيف البطاطا وبعجنهم كويس مع بعض وبضيف النشا وبقلب
4
الحشوة: لحم مفروم بضيف عليه مكسرات حسب الرغبة وبصلتين صغار وشوية ملح وشوية باربيكا...بضيف بمقلاة سمنة وبحط المكسرات وبقلبهم وبضيف البصل وبشوحهم وبعدها بضيف الباقي وبقلبهم
5
بحشو الحبات وبشكلهم ع شكل الكبه وعلى زيت غزير وحامي جدا بضيفهم وما بقلبهم ابدا الا لما يتحمروا ببدا اقلبهم او ممكن احفظهم بالفريزر لوقت احضرهم
6
اللبن : كيلو ونص لبن يوغرت مع ٤ ملاعق نشا مذوبين بكوب ماء وبضيف ماء حسب الرغبة لحتى اخفف ثقل الخليط وبقلبهم وبضيف فلفل اسود وممكن فلفل اخضر وماجي وملح وبيضه عشان ما يفرط اللبن