خلاص فهمتك

خلاص فهمتــــــك

خلاص فهمتـــك .... بانت فى وجهك وين ما كلمتــك

مليت وأتجامـــــــــل

خلاص فهمــــت .... موضوع نسياني وجفاك حسمــــت

لو قلتلي مافيك ما جاملـــت ... ما أيفيدني في شي لو عاتبتــــك

لو زاد همي والشقا وأتعبــــت ... لو مات أيا حلم فيه حسبتـــك

أسف لأني الظن ما خيبـــت ... وأسف لأني الحب ما علمتــــك

وأسف لكل أزعاج نا سببـــت ... ويارب ما نبقى في يوم ظلمتـــك

سلمتلك ما يوم نا ريبـــــت ... عاهدتني فالصوب ما كذبتـــــك

سيبتني ولعذار ما قدمــــت ... ذليتني ومايوم نا رخصتـــــك

أجمل معاني الحب فيك كتبـــت ... بأجمل الواني فالغرام رسمتـــك

تبي الصراحة حرت وأستغربـــت ... بعد جيتني مهدود نا رممتــك

كل الضباب أنزاح لما غبـــت ... بعد ما نزل الفاس قلت عرفتــــك

لا أنقاني واجد عليك أزعلـــت ... أبظلمك وغدرك يا عزيز فقدتـك

للشاعر :حازم الصبيحى