احمد فؤاد : انا مصري

أنا مصرى أبن مصرى وليا الشرف

برغم المهانة برغـــــــــــــــم القرف

برغم الزبالة اللى مالية الشــــــوارع

برغم الفســـــــــــاد اللى بيه أعترف

سمو معـــــــــــــــالى رئيس الوزارة

نتيجة موظف بسيـــــــــــــط أنحرف


برغم المجاعة اللى داخلين عليهــــــا

وفينا اللى عـــــــايش حياته فى ترف

برغم البطــــــــالة فى أوضة وصالة

برغم أن أخر جنيـــــــــــــه اتصرف



برغم طـــــــــــابور الصباح السخيف

وكل منايا يادوب كــــــــــــــام رغيف

برغم أسايـــــــــا لمنظر عشايـــــــــــا

وأقول مش مهم يــــــــــا واد نام خفيف

برغم إنى شايف بــــــــــلاوى وساكت

وعايش مطنش كـــــــــــــــــأنى كفيف

برغم وزارة رئيسهـــــــــــــــا حرامي

وشوفوا البجاحـــــــــــــة يقولوا نظيف

برغم الســـــــــــلام اللى غرقت بناسها

برغم العيـــــــال اللى ساكنة الرصيف



برغم حكومة شعـــــــــــــارها الكلام

ورغم رئيسنــــــــــــــــا عليه السلام

ورغم أن كله يــــــــــــــا عالم بيغلى

إلا كرامتى بترخص قــــــــــــــــوام

برغــــــم إنى عايش في بلدى فريسة

ووجبة شهية لبعض اللئـــــــــــــــــام

برغم أن كـــــــــــــل تاريخك يا بلدى

فعهد جنابه كـــــــــــــلام فوق رخام

برغم ده كله يــــــــــــا مصر بحبك

وطز فيهم ودا آخر كلام

قصيدة معبرة عن حال الشعب المصري
شكرا ابن البادية

أفضل شيء يميز اخواننا في مصر الوطنية .... شكرا ابن البادية

قوة الكلمة وبساطة التعبير والوطنية والأنتماء .. بكلمات بسيطة وبلغة الشارع القريبة من كل الناس استطاع شاعرنا وصف معاناة المواطن المصرى .. شكرا ابن البادية اختيار موفق .

فعلاً قصيدة معبرة تلخص حال الشعب المصري و معاناة المواطن المصري البسيط.
مشكور إبن البادية.
****************************************
إنــــــــــــــــــــــــه الأهــــــــــــــــــــــــــــــلي يــــــــــــــــــا ســـــــــــــــــــــــادة