اللى عنده حاجة عالوقـــــــت (شتاوة غناوة) إيزيـــدنـ

من طرف **STAR** 2010-06-22, 2:22 pm

$اللى عنده حاجة عالوقـــــــت (شتاوة \ غناوة) إيزيـــدنـ 6273dedea6$
هالوقت بعض الناس ما تضمنها سلم سلام وحضن ما تحضنها

عرب خداعة في جرت مصالح كلها تباعة

حتى رفيقك يخونك بين ساعة وساعة

وكل حد يكذب حاجته ايحصلها

$اللى عنده حاجة عالوقـــــــت (شتاوة \ غناوة) إيزيـــدنـ 237$

مجموعة من الشتاوى والغناوى على( الوقــــــــــــــت) واللى عندا ايزيدنا

اتمنى ان تنال اعجابكم

من الوقت ما القينا وقت **** انديرو غلا بيه نلتهو

مالن لوقات انضرينا **** نحنا والدار وغالينا

الياس باعنى للوقت *** والوقت ما شراء نين باعنى

بايعنى يا ياس اجبارى *** للوقت اووقتى مو شارى

الوقت اقزيزين ايخليك *** ابخوتك وانت احذا والديك

مدينا للوقت ايدينا **** غير عزقنا عزقه شينا

نجارو لوقات وراهن *** لا طالنا لا طلناهن

يمينى لواه الوقت ***** وايسارى لويتوه يا اقدم

من الوقت ما القينا بيش *** في عيون الغوالي نكبروا

املصن اعقولنا م الوقت *** حتى الحلم ما عاد نحلموا

يلهيني عليك الوقت *** مرات ياغلا ماتلومني

امواطي معاك انظري*** ما الوقت يا غلا ما زدتلك

انهاب في غلا هالوقت *** خونت قديم عقلي خربت

ايوريك هذا من هذاك *** الوقت فيه حاجه كويسه

$اللى عنده حاجة عالوقـــــــت (شتاوة \ غناوة) إيزيـــدنـ 3d1f2a3f0b$