ونا في بابك

من طرف حمدى عريف 2009-04-19, 10:07 pm

ونا في بابك خنتي العهد خاننك ايام شبابك يا من جفيتيني
وانريد فوق راسي م الوطاه انشيلك
ونـــــــا نـشـكــيــلـك.........
تبقي قليلة خير ما نحسا بك
اتخوني بلا سابق انذار نزيلك
م الساعة اتنو ضي تنفضي في اثيابك
وتلفي اطرافك وينما انجيلك
مااتريد تزهيبه ولا يزهابك
معا ادعاي مـَـن سقتي وراه رحيلك
وانتي انظرك طايش للخلاء ثاريتك
ونا نسال عنك مانهارانسيتك
خبيرك معا درب الخلاف مشابك
واخذك حنين الواردات القيتك
علي شوك بالي في طريقك شابك
بلا امداس تاطي في منامي ريتك
عليك لاورا ردن اردود احرابك
واقدعن وينما شانن مقاصد نيتك
امعقد شكاويي وماسك في ايدك
ونا لبريدك.........
متطايبين والشاهد وكيل اكتابك
عشيرة علي سنة الله انريدك
وانديرلك نباء بيّن اينال اعجابك
وناوي بما نقدر اقدار انزيدك
وهون امهياتك وطول اغيابك
ولكن خطا التعني محا تمجيدك
نعيط ونجرى ماخطاك انريده
وناوراك ياشوف الخماس الجيده
انكان جيت تسفي ع الخدود احجابك
طويل فوق بو طابع نظيف حديده
ويبقى نزيل اشبوب نوك حابك
وانكان غبت يداير ايزوم رعيده
انكان يا مرادي ما نصيبي جابك
ورزقي علي امقسم ارزاق عبيده
ودايلاتني فاهق خطاك ونارك
ونا مختارك............
يـضاون امضاوات البروق اكعابك
يا اللي ان تاقن تحت من جرجارك
ومابي ولاحاجه امفيت اسبابك
ايحوس المدار عندي ان ريت اديا رك
اتجي من بعيد اتغيري مهلابك ؟
بالله ليش يالخايلة انجيت اصدارك
قاعد علي شانك اسنين قواري
ونا دهواري ........
بالعيب تفتحيه وتقفليه وجابك
وانتي خطاك معاي مو متواري
قطعتي رجا عاشق يريد جنابك
عليك م الدموع وم العشم يا ناري
انعده فنا كيفهم سريب منابك
بعاد المواجع طيبين الطاري
شينة اتخلـّـف في القلوب حزازة
ونا من عازة ............
خلتني ونا صاحب احقوق انهابك
وانعاني ولكن قـلة الحجــّازة
يزيد يتمادى كل يوم عيابك
ديما ابقيتي للخطا منحازة
وراك نار ياويلك نهار احسابك
على ايدك ونابيدي بري نجـّازى
قسميتك وما طلتك انظرني كني
ونا متمني ........
زواك نين دقيتي بعيد اطنابك
سكـــّــر طريقك ياس حازك عني
حتى وهن فواهق سود كيف حجابك
غلاك وخطاك مع بعضهن جني
قدام حجتي ساهل يكون غلابك
والباب شرع ما تلقي اجرا داينـّي
نجري وراك وشي ماني طايل
ونا لك نايل ........
اطقاق ياس ما ننظر بياض انيابك
انجيت قاصدك نلقاه دونك حايل
بالنقص دوم ايشيرلي سبـّابك
وانعاود انجازي غيظ واجد شايل
انعان وين ما فـلّـت ربيع اسهابك
الحال صاف ياشوف الخماس الخايل
ونا في بابك ..