غناوى..لوكان كل شى ياعين تبكى عليه ماعاد تسكتى.؟

خلانى صغا ليام ..,,, نطرى عزيز فنيات فى الدهر
ننهى العين عن ذكراه ,,, تقول ناسية نين تنظره
إن جاهن العقل يحير ,,, أوهامك عزيزات ياعلم
مريض والكفن يالاه ,,, طروا عزيز جابوه ما برى
وين ماعلى خطروا ,,, النوم طار من عينى جلا
على نباك وين اطريت ,,, إجالن مراسيل العلل
الفكر فيه هاس العقل ,,, الراس شاب والعين إنعمت
( ظلمة دج وغابة دكة ... دار عزيز اغبي ماسلكا )
انظاري يا مرهون اعطاش...... ايراجن منك في رشراش
وين نبية ايجي لا عندي....... دربته تدريبة جندي
لوكان كل شي يا عين تبكي عليه ماعاد تسكتي
تقنيدهن ايجيب عماك .. اخذي اطراف لوهام خيرلك
والعقل واخذة مرهون .. رهينة علي دين في الغلاء
الشتاوة
طرو مرهون اونا غلبان .. التفتو لقيوني بريان
عديت للعزيز ابعقل *********رديت فاقد لومــــــنى
غلاك عظم كسر قند*******عناه طبيب شقاه سيب
ابذار الغلا من الياس *******دفين مات عرقا ماخلــب
مطايرة غلاى انبتن********جن اصف قبلى شفشفى
شتاوى
الياس راقدلى فى الدار****ايخبر فى باللى صــــــــــار
يرتع غزال الريم ما اسمح لونه *****من عند ربى امكحلات عيونه
بعيد ما يجيك العلم ,,, حتى لو طريناك ياعلم
يشوشن مع ذكراك ,,, حتى وهن غلابة ياعلم
يكساها ضباب فرسان خيل ,,, العين وين لا وهامك تجى
العقل جادات عليه ,,, أفكار ياعزيز يشيبن
خطورك على سهوات ,,, بكى العقل والعين ياعلم
خلانى صغا ليام ..,,, نطرى عزيز فينات فى الدهر
ننهى العين عن ذكراه ,,, تقول ناسية نين تنظره
إن جاهن العقل يحير ,,, أوهامك عزيزات ياعلم
مريض والكفن يالاه ,,, طروا عزيز جابوه ما برى
وين ماعلى خطروا ,,, النوم طار من عينى جلا
على نباك وين اطريت ,,, إجالن مراسيل العلل
الفكر فيه هاس العقل ,,, الراس شاب والعين إنعمت
عقال وطنهم فاتوه ,,, سمعوا نباك جو جاى يا علم
إستاهد عليك العقل ,,, مدعى عزيز ياعين جابلك
الفكر فيه هاس العقل .. الراس شاب والعين أنعمت
العين دون ياس عزيز *** تعانى معانات غارقه
وين نقول الزين توارى....كل اللى يالاى اجارى(ميله وقت)
نا بختى راقدلى رقدة.....جاب فراش وجاب مخدة(عطاب حال)
واساع انرد
نقولك
شحات من اميول الوقت....اجبر زمان جا كيده على
كان عزيز تجيب دمع نبكى من جمعة الجمعة
الناس اللي مني وعلي :::صار خطاه رفعت ايدي
خلي كل مغطا بأرضه :::بالك لونحكيلك ترضى
حتى لة أطغى من فوق ،،، رديم نار لولاف مبعده
إمغير ما معاهم نار ،،، اللى نهوك ياعين ع البكاء
بين الروايا ثاب ،،، دخان ياعلم نار الغلا
حطوا غفير ع النيران ،،، سهيوا عليه جافى ربوهن
وحلت فى ضلال العين ،،، كبرت نار ع النار لوله
كبار ياعزيز النار ،،، ستين عام ما ليله رقد
إمفيت كبر نار عزيز ،،، بعدك ما غريبه جادة
منها العقل مو فى خير ،،، وإن رونق تفاجية نارهم
جضيض خاطرى م النار ،،، بكى جنين مازال ما وعى
النار يا عزيز غلاك ،،، طفاها إشوى ماه لهلبت
النار فى قرار العقل ،،، دخانها على نين كوننت
الناس نايمه ورقود ،،، ونا وحدى فى نار الغلا
تخطيمك على لوهام ،،، يزيد فى كوانين نارهم
إمغير ع الخدود يسيل ،،، الدمع ما يطفى نارهم
كذاب يا معزى العين.....عزيز ما خذا شى سونا
عليك ظلم يالايام ...قدامك علايلى ماشيه

ما شاء الله عليك الله لا ايدعدعك حياك الله ياغالي
مشكور وتقبل مروري

مشكورين يا غوالى على المتابعة والاطلاع والردود

يكساها ضباب افرسان خيل *** العين وين لوهامك اتجي

مشكورين على المرور