غناوى علم --- وينكم

من طرف **عبدالحفيظ عوض ربيع** 2010-10-30, 5:31 pm

عاقد ايديه وراه ............ انظر مرسالي بيش جايني
وايش جبت يا مرسال....... الها جديد عيني مالقدم
افرحت وين جا مرسال .... وبكيت وين قالي مرتهن
مرسولهم خذا بي خلو........مايريد بكيتي بين العرب
طروك جيت يا مرسال .....وأنظر عليش تذارى علي
نذاره مشيت وراه ......... مرسال الغلا ما ينضمن
منيش او عليش او ليش.....مرسالي بكا كي حقني...
عداي يا غني وعداك ..... مرسول الغلا طاح بينهم
عمر بلاك يا مرسال ..... امتى عمر ميعاد الغلا
مرسالي اللي دزيت ...... ايدودشو فيه اوجاي منسته
سماحت الغلا يالاه ....... ياعين لا مرسال ولا تعب