ياما يبكي فيه

ياما يبكى فيه .. خطا عزيز وفراقه وخلو ايديه .. وضروف واجده

مـامـن أضـــروف ايـبـكـن ...... ومامـن مشاكـل وقتنـا شبـكـن
ومامن قضايـا كـل يـوم ايتكـن ...... ومامن علل فـى خاطـري كاميـه
ومامن ادروب انسيـت وامتاركـن ...... ومامن الـلى ناسـي ونـا ناسيـه
ومامـن الـلى ديمـا عليـه اتكـن ...... مشاغيـل نشـاده علـى طـاريـه
ومامن اللى م القل دونـه صكـن ...... أبـواب الرجـا قفـلن ونـا نبيـه
ومامـن اللـى وازا بعـد راوكـن ...... ايتومج امعـاه الصـوب وايذريـه
ومامن الـلى ودك عليـه ايركـن ...... معـازى وعزايـه ونـاس اتجيـه
ومامـن اوهـام انجيتهـن يرتكـن ...... عضام خاطرى م الخلو حيه وحيه

مـامـن أضـــروف أربـنــا ...... ومامـن مشاكـل خاطـرى كدنـه
ومامن قضايـا ويـن نـام ايجنا ...... اويسمر النوم ايغيب عـن ماقيـه
شي من غلا غالـى اقسـام زونا ...... ولطن نصيبـه بـو خجـل شافيـه
نضيـف المجالـى بوغتيـت اثنـا ...... بو وسـط دوبـه محزمـه طـاويـه
ومولى اليديـن مخضبـات بحنـا ...... ومولى الهوالع سود مـن باريـه
وشي قل ميجـوده وغصبـاً عنـا ...... وشي بخت عاكس للخـلا زاويـه
ومامـن اللـى غايـب تباعـد عنـا ...... وفـى مامضـا مشكـاه ومداريـه
ومامن اللى لاجـاه جـت المحنـا ...... ومامن الـلى قطعـى الله يخزيـه
ومامن اللى مشهـور عنـده رنـا ...... اللى ماحضـر جيلـه ايخبـر بيـه
ومامـن اللـى ماكيفهـن جابـنـا ...... ومـا يعرفـه واحـد ألا والديـه
ومامن مطـارى ويـن مـا هفنـا ...... ما ايريد حـد يطـرى ولا يطريـه

مـامـن اضــروف وعـــازه ...... ومامـن مشاكـل مالهـن حـزازه
ومامن خبر لو بـرج لو تقـازه ...... لو ضرب كف ولو كـلام فقيـه
ألا عزيز ما وفا امعـاى انجـازه ...... امعكر شـراب العيـن ومدرديـه
مسـدا الغـلا مـا كملـه نشـازه ...... وسلو عمود الـراس مـن عاليـه
حتى والزمـان امجربيـن ادرازه ...... مامـن الـلى قـال واه وأمكـديـه
ومامـن ابحـارى تاركـه مركـازه ...... ايام قبل ماكانـت اطيـور اتجيـه
ومامن فريقاً م الزمـان تـوازه ...... وكم قرم قابي فـى حمـاة سفيـه
وكم قصر سبحانه علـى هنـدازه ...... بقـي اليـوم عاليـه علـى واطيـه
ومامـن ربيـع ايعجبـك قرقـازه ...... لكـن وراه الصـيـف متكفـيـه
وزيده اخرى بوخد كـى القـزازه ...... انخلـط علـيه اغـذاي ويوازيـه

ياما ايبكى فيه .. خطا عزيز وفراقه وخلو ايديه .. وضروف واجده

أرجوا أن تنال أعجاب الجميع

دمتم في رعاية الله

ومامن قضايـا ويـن نـام ايجنا ...... اويسمر النوم ايغيب عـن ماقيـه
شي من غلا غالـى اقسـام زونا ...... ولطن نصيبـه بـو خجـل شافيـه
نضيـف المجالـى بوغتيـت اثنـا ...... بو وسـط دوبـه محزمـه طـاويـه
ومولى اليديـن مخضبـات بحنـا ...... ومولى الهوالع سود مـن باريـه
وشي قل ميجـوده وغصبـاً عنـا ...... وشي بخت عاكس للخـلا زاويـه
ومامـن اللـى غايـب تباعـد عنـا ...... وفـى مامضـا مشكـاه ومداريـه
ومامن اللى لاجـاه جـت المحنـا ...... ومامن الـلى قطعـى الله يخزيـه
ومامن اللى مشهـور عنـده رنـا ...... اللى ماحضـر جيلـه ايخبـر بيـه
ومامـن اللـى ماكيفهـن جابـنـا ...... ومـا يعرفـه واحـد ألا والديـه
ومامن مطـارى ويـن مـا هفنـا ...... ما ايريد حـد يطـرى ولا يطريـه
.....مشكوراخى بو ابراهيم

مشكور ابرهيم

بارك الله فيك

مشكور على هذة المشاركة الجد قيمة