شن معناها..........

من طرف **زهرة اللوتس** 2011-01-13, 10:03 am

شن معناها ..... اتشوفك العين ايريح كل شقاها
نا انقول وانت قول شن معناها
شن تفسيرك ........... ماعاد يملاها عينى غيرك
نا أنقول وانت شغله تفكيرك ............ معنى ارياف العين وانت حداها
أولهفت الروح عليك شن تقديرك ,,,,, اوليش اتعذب وين ما تجفاها
أوعقلى ايتحمل ليش فى تقصيرك ......... اوليش بوجودك دنيتى تملاها
اوليش انتمنا دوم نبقى طيرك ........او حتا السية اديرها نمحاها
شن معناه ................... روحى تحت امره وديما افداه
اونا انقولك كيف الاحساس بلاه .........ماعاد تبقى للحياة معناها
الدنيا اتبسم وين مانلقاه ................وروحى لقت فى دنيته مرساها
وما انحس طعم الفرح غير احذاه .........ظلمة حياتى هو اللى ضواها
غير قولى معنى اللى قلناه ............... كان مافهمت انقولك معناها
من يوم مافى القلب حام غلاه .................. غير حياتى ودنيتى حلاها
وحق من خلق الكون نا نهواه ................ وكنى كذبت ان شاءالله نلقاها
منقوول