ننشد فيك جاوب يابــــــــــــــــحر

من طرف **العاشق الصغير** 2011-12-07, 8:51 am

يــــــا بحــــــــــــــــــــــــر

يــــــا بحــــــــــــــــــــــــر

ننشد فيك جاوب يابــــــــــــــــحر Mr7-ly.com05afb7ddd8

ننشد فيك جاوب يابحر...فيه اسرار مي عند البشر
جاوب ياغــريق...ليش الضيق يتبع فيه ضيق
وبين الناس متخاطي الميق...ادير الخير ويعاود بشر
ولا الشقيق يصبر ع الشيق...وحتى الجارع الجار انحجر
وابقي الرفيق يكره في الرفيق...معايا صار ميكود الخبر
وكم عشيق ماطال العشيق...بدون اسباب عنه مندفر
والظالم ليش في الدنيا طليق...والمظلوم يبكي منقهر
شئ ايصيروميبس الريق...وما من عقل كان عامر دمر
امداسي باد من طول الطريق...شرق وغرب نرمي ف النظر
مشيت لوحدي من عندك طليق...لين اوصلت غادي ما لجفر
نريد فريق ماقابل فريق...راحوا وين نزلة البر
لهم ماعاد قابلني رميق...اصحاب الجود واصحاب العصر
وحتى الوطن مو مابي ايليق...ايعجج ليش وتغيب المطر
وجدوا ناس حرفتهم صفيق...ولعب اقمار وليالي سهر
والنسوان باللبس الرقيق...مارة شر يتبع فيه شر
حشمهن طار ياشينك بريق...غزنا ليش عادات الكفر
جـاوب يالطامي....مالاقهاير جيتك جي رامي
فات العمر وانا غير كامي...مامن سر يتبع فيه سر
ورقن وين ماريتك عزامي...جبت امعاي خاطر منكسر
لي اسنين مابرين اسقامي...نين الجرح سطاره سطر
عطن بالوجه كنكن ياايامي...حيرت الكسر مابا ينجبر
جــاوب يـاغزير...ولا تنهاس من جبد الغوير
الناس اليوم في غياب الضمير...الطاير طار والحافر حفر
لا الكبير يعطف ع الصغير...وى الصغير منه يندفـر
عملهن شين ياشينك مصير...والبذار عارف مـابذر
جاوب قال يــاريت...غياضي زاد كي ليا لفيت
في مافات عمـــري ماحكيت...لكن تو ياتيك الخير
ياما صاروانتا مادريت...ماتحساب دوار الدهر
ترضى شئ والا ماارضيت...احكام الله مامنهن مفر
والحال ان دام كي مانك دويت...يجن عامات تمطر بالحجر
مامن روح في الماضي خديت...بامر الله عــلام القدر
وان جاني الامر ماعمري بطيت...نسيل البنى ونشيل الشجر
وتنظر شئ في كتابه قريت ...وكوكب شمس من غربة ظهر

ننشد فيك جاوب يابــــــــــــــــحر 944316