قصة صغيرة وفيها معاني كبيره

من طرف **زهرة اللوتس** 2011-12-14, 2:38 pm

معتصم السيد : قصة صغيرة وفيها معاني كبيره
من زمان و نشوفوا في الشعب الليبي وهو يعاني و يحتضر ...
وكل يوم عدد المصابين بالامراض و الي يموت في ازدياد ...
سألنا رواحنا في يوم شن السبب ؟ نراجعوا للموضوع من البداية ...
مواطن كأي مواطن ليبي بسيط يسوق سيارته في الطريق العام ومعاه زوجته واطفاله وكالعادة بيتفادى حفرة من الحفر المعبيات البلاد..
مع اول تفادي له يخبط في السيارة الي جنبه , اقل الاضرار الي بتحصل :
المواطن حيحصل فجعة واقل شي يكون جاه الضغط و زوجته من العياط و الفجعة ممكن يكون ركبها السكر.
والاطفال لما يشوفوا بوهم نزل و يتعارك مع صاحب السيارة الثانية حيتولد عندهم شعور بالكراهية و العنف اتجاه عامة الشعب
وهذا خاطي الكلام الي حيقوله المواطن لما يركب في السيارة و يمشي في حاله .
الحفرة كان سببها اهمال من قبل جهاز المرافق في المدينة و الاهمال هذا المسؤول عنه اجهزة اخري .
من الي علمهم الفساد و الاهمال ؟ من الي خلى طريق ليبيا كلها حفر و مطبات ؟
في دراسة تقول ان لما توفر للمواطن حياة كريمة فأنه حيعيش طوال عمره سعيد .
الدراسة هدي نسمعوا عليها سمع و ماعمرها اطبقت في ليبيا بسبب السياسة الي كانت ماشية بيها البلاد من تهميش و تغييب و ...إلخ
مع بداية الثورة المجيدة بدأ الشباب اعمال التطوع بكل انوعها .
تغير تفكير البعض من الشعب لاكن البعض الاخر قاعد مازال عايش بالعقلية الخضراء
ياريت كل واحد يبدأ من نفسه و يحاول يصلح علي قد مايقدر بروحه .
عاشت ليبيا حرة .

من طرف احلام بريئة 2011-12-14, 2:45 pm

بارك الله فيك كله من ذوقك

من طرف **بوفرقه** 2011-12-14, 3:24 pm

مافيش جديد........الصبر هو اللى ايحيد المطبات ويخلينا انعيشو حياه سعيده اما اذا كنا مستعجلين ونطبقو العباره القديمه((شعب الله المستعجل))معناها موش حنمشو لاقدام والمطبات هن المطبات