سجل حضورك ببيت من الشعر ...

من طرف نور ليبيا 2011-12-25, 1:01 am

مسآء آلحب
مسآء آلشعر حينمآ يدخل إلى قلوبنآ دون آستأذآن
للشعر طعم خآص فهو يسلب آلآذهآن
بحلآوته

حتى من لآ يهتم فيه فإنه لآ يستطيع إلا أن يتذوووق روعته

هنآ
دعونآ نبحر
في آموآج آلحب
وفي روعه آلشعر

هنآ دعونآ نكتب كل مآ يعجبنآ ..

من طرف نور ليبيا 2011-12-25, 1:12 am

انتي يا درنه

ابرم يا طير وشوف الحال وخلّك ع الحاله شاهد
زنازين يهدن الرجال عرب خشوها ملا حد
وخطرها قول اللي قال علي الهم انّوض ونرقد
وخلك في نفس الموال جناحاتك ديما فارد
انريدك يا طويري حمّال سلامات اتوصل واترد
علي حفره ما بين اجبال ومن غادي شلال وسد
اجعنّا يا مضرب الامثال اللي ناوي هدّك ينهد
انتي يا درنه دمك سال ودمعاتك سالن ع الخد
انتي غدرو بك ناس انذال لفايا ملمومين لمد
انتي يا درنه من المحال اتكوني مرتع لل****
انتي يا درنه يا ام اجيال تربو فوق جظارة جد
انتي يا درنه يا ام دلال وعز وتاريخك يشهد
انتي يا درنه يا ام ابطال اللي ماهو سامع ينشد
انتي يا درنه لك مياّل القلب وما نقدر نجحد
انتي يا درنه زهوة بال اللي يقرب منك يسعد
سواقي يجرن والشلال وخضره وطوير يغرد
انتي شطّك هادي ورمال بحر صافي والموج همد
انتي مانك ماضي ينزال انتي امس وتوا والغد
بودّك لو تقعد جوّال اسبوع وما ظنيتي يسد
علي درنه تبرم لو طال الوقت ومن بعدين تمد
وتزرد في راس الهلال انكان ناوي فيها تزرد
انتي زدتي عن الوصف جمال وشوكه في عين الحاسد
الله يخرب بيت الدجال اللي خرّب علي راسه عرشه يقلب

من طرف **جمال المروج** 2011-12-25, 1:27 am

انتي يا درنه لك مياّل القلب وما نقدر نجحد
انتي يا درنه زهوة بال اللي يقرب منك يسعد
سواقي يجرن والشلال وخضره وطوير يغرد
انتي شطّك هادي ورمال بحر صافي والموج همد
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخترت فأجدت وقرأت فنسخت فعجبت فوقعت على صفحتك الرقيقة تجملت

من طرف القديسة 2011-12-25, 2:18 am

درنة

يا لؤلؤة تهتز لها المشاعر

لؤلؤة تتمناها الاذراق

لها تتوافد الشواطيء

و تتغازل بجبالها الهضاب

هي كأنها وردة تتسارقها الاشمام

عطر عبيرها

تناغم السحابات

الباجورية

وعهدها وثيق

فحين تقطع تذاكر التحليق في الهيام

تجتاح فكرك كأنهامن ملائكة التعهد البطسؤ

من طرف شعيب 2011-12-25, 8:31 am

قادر يفك اعقدها ... وتروق روقة الساعة

تسير وحدها ... من غير عرعزة ...

قادر يفك اعقلها ...يطلق سراحها

تسلك يحيد كسلها ..

خالق رواسي لرض ومثقلها

ورافع سماها ما عمود سندها ...

قادر يفك عقدها ...

من طرف نور ليبيا 2011-12-25, 2:37 pm

]شكـــــــــراً الي اشعركم رائع

لتي تثير النفس الي جمال

ظاءت صفحتي بااشعركم

التي يكون بها موضيع اجمل

من طرف نور ليبيا 2011-12-25, 2:49 pm

يادار فرساك غبا وغابن عليك الطريب
امخالط ظلامك ظباب وباتن اركانك رعايب
واللي كان فيك ينهاب انهالن عليه الترايب
كان بي رحاب علي دمع عيني سكايب
ثاريت فقد الاصحاب ايقم البكاء والنداب

من طرف شعيب 2011-12-28, 11:55 am

بين السمع والدوخا ... وبين ناس تدّاعك اتريد الشوخا

العين حايسا

من طرف ام يمان 2011-12-28, 1:04 pm

تستاهلي ديوان موش قصيدة ............وتستاهلي قلادة ذهب وحديدة
تستاهلي التمجيد...........................وتستاهلي الاشعار والناشيد
وتستاهلي لبس الذهب في ليد........ وتستاهلي اللبسة اتكون جديدة
... ودونك سرايا مجحفلة وحديد ............. ودونك صقورة في الحياة زهيدة
ولو يكملوا صنديد في صنديد ............. ما يوصلك سافل بمدة ايدة
وقداش دونك ماندفن شهيد .............. هانو عليك الروح يا فريده . em-flag-ly

من طرف نور ليبيا 2012-01-01, 5:24 pm

مازال لك مطراح
حتى بعد ساس المحبه طاح
في خاطري
مازال لك مطراح

~~~~~~~~~~~~~~

مازلت شايل ود وعندي مكانك ما يسده حد
ومازلت في عشرة غلاك انعد
حتى بعد حطيت فيا اجراح
ومازلت نحسب فالغياب انعد
ونحلم اتجيبك من جديد ارياح

~~~~~~~~~~~~~~

مازلت كيف زمان
وقدرك كبيــــر معاي ما ينهان
حتى بعد شبعتني باحزان
مازلت ندعيلك اتعيش افراح
وخذيت عهد فالدنيا ومهما كان
طيفك ايرافقني وما ينزاح

من طرف يحيي المنفي 2014-03-22, 2:02 pm

مازلت كيف زمان *_*
وقدرك كبيــــر معاي ما ينهان
حتى بعد شبعتني باحزان *_*
مازلت ندعيلك اتعيش افراح
وخذيت عهد فالدنيا ومهما كان
طيفك ايرافقني وما ينزاح *_*

من طرف التمساح 2014-03-23, 11:36 am

واجب الناس ان يتوبو ....ولكن ترك التوبه واجب
والدهر في تصرفه عجيب ....وغفله الناس عنه اعجب
والصبر عن المصائب صعب ....ولكن فوات الثواب اصعب
وكل ما نتمنا قريب ....والموت من دون ذلك اقرب

سجل حضورك ببيت من الشعر ...

سجل حضورك ببيت من الشعر ...

رد: سجل حضورك ببيت من الشعر ...

رد: سجل حضورك ببيت من الشعر ...

رد: سجل حضورك ببيت من الشعر ...

رد: سجل حضورك ببيت من الشعر ...

رد: سجل حضورك ببيت من الشعر ...

رد: سجل حضورك ببيت من الشعر ...

رد: سجل حضورك ببيت من الشعر ...

الام الزنتانية

رد: سجل حضورك ببيت من الشعر ...

رد: سجل حضورك ببيت من الشعر ...

رد: سجل حضورك ببيت من الشعر ...