حوار بيني وبين جرح الغلا

حوار بيني وبين جرح الغلا

قلــــت:

ياأسباب عذابي..سدك سطير وخلني إنعيش عقاب شبابي..الله والنبي ياأسباب عذابي
... رد وقال:
واجب إنعيش إمعاك..
او واجب نذكرك وماننساك..
او واجب إنقلل كل يوم هناك..اسماي جرح وإنتي أعز أحبابي
قلــــــت:
ياجرح هنيني..
خلني إنتلذذ نوم الليل ماإتوعيني..
بالكش يسكن ظلام الليل وإينسيني..أللي رحل من دون أي اسبابي
قــــال:
ماإنهنيك..
ولا فالحلم تحلمي إنسيك..
بتسطيري كل يوم نمكر فيك..
لين إنشوفك من غلاهم إتهابي
قلــــــت:
شن خليتوا..
خلفتوا جرح في كنيني إنسيتوا..
لاساولتوا ولا بالدوا داويتوا..منكم الغلا سكرت عليه إبوابي
قال:
عهدي ليك..
نبقى ديما إنوقض فيك..
بتسطير خاين جاحده طاريك..وبيدك الماضي إتغطي عليه إترابي
قلـــــــت:
هذا حالي..
منك ومنه العين ديما إتلالي..
خوذ غايتك ماإتشيل هم إسوالي..من يوم يومه الهم هو أللي يشقابي
ياأسباب عذابي..سدك سطير وخلني إنعيش عقاب شبابي..الله والنبي ياأسباب عذابي

مشكــــــــــــــــــــــــوره وبارك الله فيك

وفيك بارك الله مشكورعلى المتابعه يا خوي العاشق

بـــــــــــــــارك الله فيـــــــــ ـــــــــــك اختيــــــــــار مــــــــوفــــــق