معقول ما ترايفي معقول

________________________________________
معـــقول
ماترايفي
معقول
ولايهزك حنـــين لاطيف ذكرى خجول
معقول

معقول
تقسي
وتنسي
وترسي
علي مرسى بعيد عن منال أيدي
مانك بعيدة علي
مازال منك في
لوتذكري
لما عرفتك أيش حكيت
لوتذكري
لما عشقتك ليش بكيت
وليش قلتلك لما الغياب يطول
فيه للغياب أصول
والصبر للقسوة رسول
معقول ماترايفي معقول

معقول تلقي عزم نين تجحدي وتواري
معقول يبقى قسم نرضاه بأختياري
معقول ياخذنك مسافات الزمان القاسي
معقول ماعندكش كيف احساسي
وحتى لو أختلفنا ما أختلفنا
العمر كان لحظة
تعارفنا
وتوالفنا
بغيابنا
وحضورنا
كم كان غالي خطورنا
ومشوار أوشك عالوصول
وهبت تسابيب الهطول
عليت أمواج وكان فصل القول
الحلم يبقى حلم مهما صار
والليل ماياخذ مكان نهار
مازال عندك في ذكرى عمري
ومازال جمرك في ثنايا جمري
ومازال في ودي ودايد ود
ومازال في ودي غلا ويبد
ويجول عقلي عالطلول ويرد مغلول شايل علي حمله حمول
معقول ماترايفي معقول

معقول من بعد الندى والصبح
يبان الجفا والجرح
معقول من إلى
عكس النقيض النقيض
معقول عن على
ويفيض دمع العين فيض
يرمي مسافات الحروف
وتهزم الدمعة الخوف
ويبان طيفك والطيوف
وتغمر خواطرنا تطوف
بينا رواحل ذكريات وكانت
مش كيف هانت
ولما ضفايف عيني تمتلى وتضيق
عندي طريق
دمعي وياسي فيك
وأمقدر وكان
نرجاك نا هواللي نجيك
موش انتي اللي نعرف زمان
وفي أمان أختصرتي لحظات الذهول
عالصبر صبار وملول
الجرح اللي ينزف خجول
عصيان في وجه الذبول
معقول
ماترايفي
معقول

مشاركه رائعه...وفقــــــك الله وننتظر منــــك المـــــزيد

مشكــــــــــــــــــور ع المــــــــــــــــــــــــرور