ما علينا فداك للشاعر فرج بالحمد

________________________________________
ماعلينا فداك # خطاك صار سامحتك حملت بلاك # وجعنى ولكن ما علينا فداك
موجعا او وجيعا # ودمعه على دمعا على تدميعا
صاعب عليك شراه ساهل بيعا # الخاطر اللى منك جفاك جفاك
وينما تهينع فى شتاك ربيعا # جا غيث و ارياح الخريف وراك
روى بدمع لا ميعاد لا توديعا # جرر ياس من ياسك ومن فرقاك
ختام الحكايا فاجعه مريعا # الفراق اريح من بكاى حذاك
ماعلينا فداك # خطاك صار سامحتك حملت بلاك # وجعنى ولكن ما علينا فداك
ماعلينا صارت # لوعة غلاك مع دباير حارت # اهتزت معابد صبر فى انهارت # تهاوت تهاوا حلم عاش معاك
فيدك وفى ضلك ايام توارت # عاشن ايامى فى انتضار رجاك
وكان الكفاء منك تقول اختارت # لقسام تحرمنا ربيع غلاك
منك ومى من حد فينا جارت # سوايك يالقاسى و سامحناك
ماعلينا فداك # خطاك صار سامحتك حملت بلاك # وجعنى ولكن ما علينا فداك
ماعلينا منا # خطاك صار ما ضنى تراجع عنا # سامحت فى اللى سار موش محنا هذا بيش نثبتلك انى نهواك
وان تما على اللوم ليش تكنا # وان نيتك مغير خطاك صار خطاك
وان ودك الخاطر عن دناك ان عنا # وان ودك ان عن خطاى عن خطاك
ما كل مانتمنا نال ما يتمنا # لقسام والغلا والرزق من مولاك
ماعلينا فداك # خطاك صار سامحتك حملت بلاك # وجعنى ولكن ما علينا فداك
ماعلينا فضت # لوعا وتابت بالدموع توضت # على قبلت النسيان صلت حضت الخاطر على نسيان صوب غلاك
بين النصيحا و الاوهام تشضت # نجوم غطاهن سواد سماك
بيك احتمت مالنار بيك تلضت # نارك نصيبى من دفا دنياك
وطوع النصيحا موش قولت غضت # عينى الدمعا والنضر يخطاك
بلاك حتى عمرها لو قضت # بلاك ماضنى تموت بلاك
ماعلينا فداك # خطاك صار سامحتك حملت بلاك # وجعنى ولكن ما علينا فداك
( وسلمتوا)

بـــــــــــــــارك الله فيـــــــــ ـــــــــــك اختيــــــــــار مــــــــوفــــــق

مشكــــــــــــــــــــورين ع المـــــــــــــــــــــرور

ما اروع القصائد التي كتبها الشاعر الغنائي المميز
فرج بالحمد
فلك التحية اخي الفاضل
وجزيل الشكر على اختيارها

مشكــــــــــــــــوره للمـــــــــــــرور

لكـــــــــــم كل الشكــــــــــــــــر ع المرور الرائع

بـــــــــــــــارك الله فيـــــــــ ـــــــــــك اختيــــــــــار مــــــــوفــــــق