نبعثلك رسايل شوق فات الحد!!!

من طرف **زهرة اللوتس** 2012-03-27, 3:04 pm

تحيه وأما بعد !!!
نبعثلك رسايل شوق فات الحد
بمداد الوفا والود
نكتب ونمسح دمعتي وانعد
ومن كل ود او بُد
اوراقي ثلاثه يا حبيبي رد
في لوله نســـــــــأل عن حالك ... ناسيني والا في بالك
والا الجــــــو بلاي صفالك .... جاوبني نرجى ف الرد ؟؟؟
رقم اثنين اشتاقت عيني ... سهرني شــــــــــــوقي وحنيني
لا نرقد لا توم ايجيني ... نسمر وانعــــــــــــــــــاني وانكّد
آخر شي ف عقلي صوره ... منقوشه ف قلبي محــــــفوره
قبل الفجر ايعلّم نوره ... شوف ومـــــــــــــا تبطى ف الرد
ف اول صفحاتي مذكوره ... شوف حنيني صوت وصوره
اقرا زين وخوذ الشورى ... هـــــــــاذي الصفحه لوله رد
في لوله سلام كبير ... مضمونه غرام او ود
ان شالله تكـــــــــــون بخير ... وبشوفتي تسعد
الجــــــــــرح دار سطير ... في غيبتك واحتدّ
يللي بهـــــــــــــواك أسير ... لا تغيب لا تبعد
نجوم السما والطير ... معــــــاي وعلي تشهد
اني عليك انغير ... ومـــــــــا درت بعدك حد
تحيه وأما بعد
نبعثلك رسايل شوق ماله حد
يدوم الوفا والود
وتسعد ايامك يا حبيبي بجد
ومن كل ود او بُد
ثاني أوراقي يا حبيبي رد
في الثانيه نهواك ... وتسعد ايــــامي في الحياه برضاك
ودي انكون معاك ... نعيشو حبايب دوم نا ويــــــــــــاك
يكبر معاي غلاك ... وتصغر احزاني في عيوني معاك
ايش الحياه لولاك ... ايامي وعمري يــــــــا حبيبي فداك
ما اقدرت نا ننساك ... ولا اقدرت نصبر يوم في فرقاك
العمر في مرجاك ... اسمور وسهر واشواق مــــا تنعد
تحيه وأما بعد
نبعثلك رسايل شوق ماله حد
يدوم الوفا والود
وتسعد ايامك يا حبيبي بجد
ومن كل ود او بُد
آخر وراقي يا حبيبي رد
صورة غلا واشواق ضمن اوراقي ... يا راحة البال وفرحتي واعيادي
انتي جميل القول في ميعادي ... يللي غرامك سر مــــــــــــا هو عادي
انريدك حلالي وغايتي ومرادي ... تبقي ونيس الــــــدرب وام اولادي
اطّفي حنيني ولهفتي واشواقي ... ويلفى لذيذ النوم وان ارقــــــــادي
يللي ملكتي الروح أول بادي ... هايم دليلي بيك جاي وغــــــــــــادي
آخر كلامي والصلاه ع الهادي ... ما تبطي علي ارجوك هاتي الرد ...
منقول