غزل الثوار

غلاك ياغالى خارق حارق ...
والعقل هاوزر يدوي عقاب الليل
أمرايف عليك أرياف
نومي سارق ...
وجبهة غلاك امحاصرة بثقيل
ومابين رتل اقسامك ...
ومابين حنيتك وحقل ألغامك
مشّطت واجد ما ألقيت بديل
فيه انشــــــــــقاق
كبير من يالاك .. يهاون وما هاون عليك أريــــــــــاف
لا حظـــــــر جوي فاد في مرجاك .. والياس داير عالغــــــــــــــلا إئتلاف
تميت كــــــــر وفــــــــــر نا واياك .. انخاف ياعـــــــزيز إيسيرلي التفاف
بعيد لكن دوم في اشــــــــــتباك ... وهدنة الخـــــــــاطر ما اتريد ايقاف
وكتائب الشوق الزاحفــــات وراك ... هن والاباتشي جايت اصــــــــداف
واخطوط الامداد اللي زمان معاك ... قصفهن النيتــــــــو ياعليك حساف
وظرفي الفارغ طاح في ممشاك ... وعودك ولامجلسي منك خذا اعتراف
شهيد نمــــــــــــوت في سباك ... ولا أســـــــــــــــير اتشيلني بكتاف
....
أمرايف عليك العقــــــــل دانة دانة ... عطينـي أحدثيتك مكـــــــانك وين
جمدت مرســـــــــالي مشا ماجانا ... لا بالثـريا جيت لا بالعـــــــــــــــين
قــــواذف جـــــــــرادي بايتات حزانا ... وقناصك أمتومج في مكان حصين
وانكان اعتصامك هو سبب مشكانا ... سلمية مظــاهرتي عليك أسنين
وطـــــــــابورك الخامس ياعزبز ورانا ... وزاد مرتزقـــــــــــــة ونقـــــــارين
مقابر جمـــــــــــــاعية دفنت زهانا ... واللي انجي منك امع النــــازحين
قـــــــــــوافل حنيني جايتك مليانة ... إغاثة مـــــودة خوذها اصحيحتين
ومالم تكون ايديك املطـــخة بدمانا ... امســــــامحين مانبوش منك دين