منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» بوابة مرتوبه قرار من غرفة مجموعة عمليات عمر المختار العميد يوسف المبروك
اليوم في 12:24 pm من طرف STAR

» افضل 3 اضافات مميزة لبرنامج VLC
اليوم في 12:17 pm من طرف STAR

» 5 خواص مميزة في برنامج VLC ربما لا تعرفها
اليوم في 12:16 pm من طرف STAR

» شرح كيفية إضافة الترجمة للأفلام بشكل تلقائي
اليوم في 12:15 pm من طرف STAR

» كيف تجعل برنامج VLC يقوم بترجمة أفلامك إلى أي لغة تريدها بدون أن تبحث عن ملف الترجمة
اليوم في 12:14 pm من طرف STAR

» تحميل برنامج ترجمة الافلام الغير مترجمة اخر اصدار
اليوم في 12:01 pm من طرف STAR

» تحميل برنامج للترجمة بدون انترنت مجانا
اليوم في 11:57 am من طرف STAR

» احمد قذاف الدم قطر عليها ان تنتبة لمخططات ايران
اليوم في 11:46 am من طرف STAR

» الارهابي الصادق الغرياني يدخل الى قسم العناية
اليوم في 11:39 am من طرف STAR

» بالفيديو: شاهدوا كيف تغيرت الأرض خلال 33 عاما!
اليوم في 10:27 am من طرف STAR

» ارتدِها في ثوانٍ.. هذه أسهل 3 طرق للف رابطة العنق
اليوم في 10:25 am من طرف STAR

» أقيمت لبعضهم المذابح.. إليك أبرز 10 زعماء قُتلوا على مدار التاريخ
اليوم في 10:24 am من طرف STAR

» وداعاً للحوم ومشتقات الحليب.. كيف تصبح نباتياً في 8 خطوات؟
اليوم في 10:17 am من طرف STAR

» جندي في مهمة خاصة.. كيف يكشف "زيدون" الطريق أمام القوات العراقية في الموصل
اليوم في 10:16 am من طرف STAR

» مفاجأة للمرأة الحامل.. هذه أسهل طريقة للولادة الطبيعية
اليوم في 10:15 am من طرف STAR

بحـث
 
 

نتائج البحث
 


Rechercher بحث متقدم


رزني فيك اعيون اسماح

استعرض الموضوع السابق استعرض الموضوع التالي اذهب الى الأسفل

رزني فيك اعيون اسماح

مُساهمة من طرف dude333 في 2014-04-11, 10:26 pm

رزني فيك اعيون اسماح 
اتقول اسلاح 
نهار انداح
املاقى ضاعن فيه ارواح

رزني فيك اعيون اوساع 
ولك نرداع 
شرار جبينك دار شعاع
بوارق في شابيب ارجاع 
ايام صلاح 
اشبوب بداري مزنه لاح
تعلّى خش اوطان اوساع 
اتدير بياح 
وطاته منية للفلاح
معاهن للخدمة استطاع
يريد ارباح 
بدا فيه الوطن استصلاح
وثاني داروا فيه اقياع 
تريس اصحاح 
يواصل في الخدمة بنجاح

رزني فيك عيون كبار
ودور اسطار 
على جرعودك ظفة دار
رويتيه ببنة وازهار 
ثناوي ماح 
اتقول روايح عطره فاح
امنين تكاصا ع الجرجار 
نخيل الواح 
اهتز مع سوقات ارياح
يحوس ان راعاك وينهار
ايطيح اطياح 
اللي شايل فيده سبـّاح

رزني فيك ميامي سود
اتقول غدارى يالطيف
غثيثك ع العاتق مبجود 
نقضتيه وماح لفاليف
اتقول ركيب يوم ورود
عطاش اداعك دار زنيف
ظمايا من قبلي مصهود 
حراريق نجوم أول صيف
بذل فيه الراعي مجهود
سقيته بالغيظ تعنسيف
تروّى دار ارجود ارجود 
ملايا حيضانه تذريف
وصدّرها في وان برود 
اوقات العلة بتكفكيف
مع كل خراريم وهود
خذا طول الليل تعنسيف
اصبّح طاير راس الرود 
هنايا في مصدار عفيف
نباتتن مرغاد وعود
قعاري لام بهال مصيف
وهلها ناس اصحاب اسعود 
تريس بجاوية ع الكيف
اجواد يقيموا بالميجود 
يصبوا وين اتجيهم ظيف
يبنوا في واسع منضود 
سماح اركانه ظل وهيف
ان دارت برّاقة وارعود 
بداري ف اول غيم خريف
يدزوله رايد ميكود 
تراعيهم فيه مشاريف
حكيت ونا ماني منشود
خذاني ديوان وتخريف
مع طاري لجواد انجود 
بذكراهم عندي توليف
المعنى عن شوف الجلمود
وصوله ماني عارف كيف
لغياته مالقيت برود
اندير مناح
انغرد بالصوت النواح

رزني بانن فيك ارغاب 
عيونك سود بلا تكحيل
انتي مسع جابك جياب 
مقامك عالي ف التمثيل
سماحة وامروّة وآداب
خذيتي بيهن فوز الجيل
خطمتي بانن فيك انياب 
انظاف يلجّن كيف الريل
وخد كما بارق لهلاب 
ادّاير غيمه دار نزيل
اخشوش تكوبر فك اجداب 
امنزل م المولى تنزيل
تركّب في مشروع الباب
وقبّل من عنده تقبيل
وعاد الغيطان ولشعاب
ملايا منه كيف النيل
نزيله دار اطراب اطراب 
اوهام العلوة شايل شيل
وصيّم بوفتّح وارحاب 
وغيطان الزفرة وافضيل
تعلـّى خش اوطان عباب
ايقنتل مازال اتقنتيل
مقاطيع يديرن حلاب 
هشاش اكحيله فيه اتخيل
اتقابل فيه اسراب اسراب 
مراشي سود اتقول نخيل
ايديرن حوراني والعاب 
ضناها في وان التبهيل
معاها رجالة طيّاب 
فراسين يحاموا النزيل
امنيد الطامع والنهاب 
يفكوها من غير جميل
وما خطرها غير صواب
غلا ريدي فايزة الجيل
اللي في لونه نال اعجاب 
ونا مزّاح , كلامي صاح 
انمجّد للزينة مدّاح

رزني فيك اعيون اسماح 
اتقول اسلا ح 
نهار انداح
املاقى ضاعن فيه ارواح

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

dude333
مشرف المنتدى السياسي
مشرف المنتدى السياسي

ذكر
عدد المشاركات : 5527
العمر : 47
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

رد: رزني فيك اعيون اسماح

مُساهمة من طرف STAR في 2014-04-12, 8:57 am

جميل جدا

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114733
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى