غناوي وشتاوي ع النسيان والزعل

تذكير بمساهمة فاتح الموضوع :

مازال خاطري ضليل ♥♥ وراء ناس عالي شانهم

عزيز هو ربيع العين ♥♥ رفيق عمر محال ينتسى

زعلان خاطري عا الوقت ♥♥ عاكس عليه ما يوم ساعدا

العقل ما نسيهم يوم ♥♥ مرايف على طول يأسهم

سريب غيركم ما جاب ♥♥ الخاطر على طول ما فكر

العقل ما نساكم يوم ♥♥ حتى فى صلاته تخطروا

حتى كان زعاله عدو ♥♥ تكويهم ناري وايردوا

العين ما نست مرهون ♥♥ وفي الحول مرة تشبحه

شاوى عليك الدمع ♥ ♥ و إلا عزيز يا عين ناسيه

لا نغفل ولا ننساك ♥ ♥ حتى وانت يا غالي غني

بكيت والبكا ما جاب ♥ ♥ ننساهم الله غالب عليّ

العقل ما نساكم يوم ♥ ♥ رايف على طول ياسكم

صبالي كبير الياس ♥ ♥ نساني غلا مو برادتي

نسيانك م البال ضليما ............ياخاطر علي عيني ديما
العاشق

ما تغفي نين اتقول ....ننساهم او توعا مرايفه

تنساني وتلقا عذر,,,,,,,,,,,,,,,,,,,,,انخاف ياعزيز اديرها

ننساه مانموت عليه ,,,,,,,,,,,,,,,,,,,,الي ماعرف قيمة الغلا

يالقديم انسيتك راني,,,,,,,,,,,صاحب صوب جديد لواني

ننساهم اقدم مالبال@@@حتى وراي ما عاد نلتفت

انسيتني ونا منسيت,,,,,,,,,,وانريد ايش داير ياغني

حلك انسيتي والقيتا ,,,,,,,,,,,,,,,,,,,وصوب قديم امعاه اربيتي

ماننسوه الي جارحنا ,,,,,,,,,,نين العكوز ايطارحنا

صاحب صوب امغير اعوينا,,,,,,,,,,,,,,,,,,,خلاتا يرضا بلشينا

ناسيكم وداير صوب,,,,,,,,,,,,,,,,,,,احلمت ياقدم لوميني

النسوه تبي يالقديم,,,,,,,,,,,,,,, اعزوم اتقول اجبال حديد

راني ياالقديم انسيتك ***** وين عرفت الي في نيتك

عليك حالفا لوصار,,,,,,,,,,,,,,,,,ماصار ياغني ماتنتسا

انسيتيه ياعين نسيه ,,,,,,,,,,,,,,,,,,,,,,,,,,,مدعاقديم وطاريا

الخاطر مانسيكم يوم,,,,,,,,,,,,,,,,,حتي في صلاته تخطرو

بالله سلتا تنساه,,,,,,,,,,,,عزيز غير ماسالت علي

سلتك بالله غوالينا,,,,,,,,,,,,,,,تنسيهم ماسلتي فينا

الله غالب يا وليد عمتي ان شاء الله ربي كاتبلك طول العمر وترد سالم

اولا مرحبتين فيك في منتاديات عيت ارفاد التميمي

ثانيا انشاء الله ولد عمتك ايجيكم طيب

ثالثا انراجو منك المزيد

مشكــــــــــــــــــــور وبارك الله فيك

يحسابني الا ناسي ,,,,,,,,,,,,,,,,,مادار خير خطار القدم

ننساه مانموت عليه ,,,,,,,,,,,,الي ماعرف قيمة الغلا

نزعل ونرايف ع الغالي ,,,,,,,,,,,نين ايشيب صغير اعيالي