غناوي وشتاوي ع النسيان والزعل

تذكير بمساهمة فاتح الموضوع :

مازال خاطري ضليل ♥♥ وراء ناس عالي شانهم

عزيز هو ربيع العين ♥♥ رفيق عمر محال ينتسى

زعلان خاطري عا الوقت ♥♥ عاكس عليه ما يوم ساعدا

العقل ما نسيهم يوم ♥♥ مرايف على طول يأسهم

سريب غيركم ما جاب ♥♥ الخاطر على طول ما فكر

العقل ما نساكم يوم ♥♥ حتى فى صلاته تخطروا

حتى كان زعاله عدو ♥♥ تكويهم ناري وايردوا

العين ما نست مرهون ♥♥ وفي الحول مرة تشبحه

شاوى عليك الدمع ♥ ♥ و إلا عزيز يا عين ناسيه

لا نغفل ولا ننساك ♥ ♥ حتى وانت يا غالي غني

بكيت والبكا ما جاب ♥ ♥ ننساهم الله غالب عليّ

العقل ما نساكم يوم ♥ ♥ رايف على طول ياسكم

صبالي كبير الياس ♥ ♥ نساني غلا مو برادتي

غوالي مانسينا طاريهم ... ديما متمنى نلاقيهم

زعلان خاطري عا الوقت ♥♥ عاكس عليه ما يوم ساعدا

ننساهم نا كيف وهم روحي وقوتي وفرحتي

يجي نخاف كي ننساه .. ونخاف كي انراجيه مايجي

ننساهم اقدم مالبال@حتى وراي ما عاد نلتفت

تنساني وتلقى عذر نخاف ياعزيز اديرها.

ملحوق خاطري م النار ع الناس غير وارا لذعها

ايعينك الله بعزم ........ تنساهم اللي واجعينك

نكرب اغطاي ناوي النوم .....يخطر قديم هناك

حتى في المنام قديم ... ما طافت علينا نسوتا.

سريب غيركم ما جاب .. الخاطر على طول ما فكر

نسينى اللة ينسية عزيز يوم موتاشهدتة..

ننسوهم انعيشو كيف اقدم شاركونا حتى فالنفس

ننسة موش ماننسة..عزيز غيرتبيلك ولا..

انكان عالنسوه نا انسيت وبالقسم والنصيب ارضيت لو كان غير مايجو اصدافنا

لوكاااااااااااااااان غير نلقا عزم...ايامه قديم نسيتهن

نرضوا الدوج وين انجوه نلقوا اهموم ننسوا اهمومنا

دز قديم وقال انسيني واحد من خوتك عديني؟؟
رديت عليه وقلت..
كلب اكلاب الله لا ايردك واحد من خوتي ما انعدك (حشاكم)
لوكان عالنسوه نا ننساهم لكن خوتي مايسواهم..

عزيزانسينة وانسينة..بخيرة وبشرة وغلاة

ننساك نار؟؟ نرجاك نار؟؟
هي نار نار... ننساك خيرلي!!!!

زعلان خاطري ما الوقت ♥♥ عاكس عليه ما يوم ساعدا ...

اتبعني ما تبقي زعال .. الدنيا تبي وسعت بال

ماهناك كاينه كي هذي . ينسونا ويزهوا ابغيرنا

قويه قويه صقع صراحه

كان شروك اعزاز اشريهم.. كان باعو ياعين انسيهم..

عزيز هو ربيع العين ee رفيق عمر محال ينتسى

نسيتني بلا سيات وخليتني ونا في عازتك....

نسيانك مالبال ظليمة ..ياخاطر عالخاطر ديما

فكرت والقيت راحتي ننساك...
صبري كمل واجد تعبت امعاك,,,
تمعنت في تفكيري القيت راحتي ننساك وتلقي غيري..
وامسامحك راني في حناني وخيري,,,
الله ايعيني نقدر انعيش بلاك...
تمعنت في التفكير القيت راحتي ننساك بلكي خير&&
اصلا بلاك وبيك نبي انحير؟؟؟؟
(والمشكله نبعد ايزيد غلاك)
المشكله في قلبي نا انريد نسيانك وهو مايبي
(((..تعبت والعالم بحالي ربي..)))