غناوي وشتاوي ع النسيان والزعل

تذكير بمساهمة فاتح الموضوع :

مازال خاطري ضليل ♥♥ وراء ناس عالي شانهم

عزيز هو ربيع العين ♥♥ رفيق عمر محال ينتسى

زعلان خاطري عا الوقت ♥♥ عاكس عليه ما يوم ساعدا

العقل ما نسيهم يوم ♥♥ مرايف على طول يأسهم

سريب غيركم ما جاب ♥♥ الخاطر على طول ما فكر

العقل ما نساكم يوم ♥♥ حتى فى صلاته تخطروا

حتى كان زعاله عدو ♥♥ تكويهم ناري وايردوا

العين ما نست مرهون ♥♥ وفي الحول مرة تشبحه

شاوى عليك الدمع ♥ ♥ و إلا عزيز يا عين ناسيه

لا نغفل ولا ننساك ♥ ♥ حتى وانت يا غالي غني

بكيت والبكا ما جاب ♥ ♥ ننساهم الله غالب عليّ

العقل ما نساكم يوم ♥ ♥ رايف على طول ياسكم

صبالي كبير الياس ♥ ♥ نساني غلا مو برادتي

نسيانك مالبال ظليمة ..ياخاطر عالخاطر ديما

فكرت والقيت راحتي ننساك...
صبري كمل واجد تعبت امعاك,,,
تمعنت في تفكيري القيت راحتي ننساك وتلقي غيري..
وامسامحك راني في حناني وخيري,,,
الله ايعيني نقدر انعيش بلاك...
تمعنت في التفكير القيت راحتي ننساك بلكي خير&&
اصلا بلاك وبيك نبي انحير؟؟؟؟
(والمشكله نبعد ايزيد غلاك)
المشكله في قلبي نا انريد نسيانك وهو مايبي
(((..تعبت والعالم بحالي ربي..)))

خيطتا وخـــــــرتاه نضــــح كويته ... حييت حما فيه قبل امــــــــخمده
ضمادته علي مـــا فيه ما داويته ...للناشد صطاطيره انقول امهمـــده
وما حوتني حتي الضميد القيته ...الا من هناك او مـــن هناك املمده
واللي فيه عـــــــــرفا بلا تبهيته ... امغيرمالصقيع ادماه فـــوقا امــجمده
والله يربحك مـرهون في تنهيته ... لا تقربيه الجرح راني امضمــــــــده

هذى على جرح الحبيب...

جرحك يالقديم نسيته,,, غير الدوه في التشميته

اندير كيفهم ياعين *** ننساهم اللى ناسيينى

انسوني تناسيتهم ونسيت .. والنسو نساني اللي ماينتسو

خشيت في مسارب نسو فيهن اذهبت رديت عالبكا

عزمي شديد وكل شي انديره,,,
ننسي القديم والجديد وغيره!!!

تنساني وتلقى عذر نخاف ياعزيز اديرها

وانسيتني ونا مانسيت ><><وانريد ويش داير ياغني

انسيتني اسع ننساك اما اليوم بكره امسوقره

شكراً لكم وللمتابعة منكم

مامن صوب قديم نسيته يابال جديد وماريته..........

اتقول ينتسو لولاف تحساب روحا فيد روحا

انسيهـــــــــــــــــــــــــــــــــــــــم نقول تقـــــــــــــــــــــــــــــــــــــــــول
لغيـــــــــــــــــــــــــــــــــــــــــــــري دبـــــــــــــــايرك خللهــــــــــــــــــن

انسيهم الي نسيوك واشقي بكبر نيران غيرهم

ننسوا فيه يوم بيوم عزيز نين ياساته مضن.

لاننساه ولاينساني ماصدقت الغالي جاني

انسيهم اتقول انضري....................الها انقلت عيني اتقولي

نسيانك م البال ضليما ............ياخاطر علي عيني ديما

نرجاهم من غير قسامي لاذعني امحورهم حامي

يالقديم امعاها كنك تبكي ....................امغير عليك ومنك

يالولاف النشدا واجب..............متعلا عين علي حاجب

لاننساه ولاينساني,,,,,,,,,,,,,,,,,,,,,,ماصدقت الغالي جاني

نسيانك م البال ضليما ............ياخاطر علي عيني ديما
العاشق

ما تغفي نين اتقول ....ننساهم او توعا مرايفه