عبرعن وضعك الحالي بغناوه او شتاوه

تذكير بمساهمة فاتح الموضوع :

السلام عليكم ورحمة الله وبركاته

انا اليوم جبتلكم موضوع جميل وشيق

وانشالله يعجبكم وتشاركوني فيه

فكرتي ان كل عضو يخش هنا يكتب غناوة علم تعبر عن حالته النفسية

وبراحتكم الغناوة تكون من تأليفكم اونقل او اقتباس من اي شاعر

المهم انكم تكتبوا غناوة اتعبر عن حالتكم النفسية

كل يوم غناوة جديدة طبعا لان كل واحد فينا حالته النفسية تتغير كل يوم عن يوم

يعني نبي مشاركات متتابعة يوميا

ونبي نشاط وتفاعل من كل الاعضاء

يلا نبدوا

في العقل ياضنا الاجواد....اكبر مكان ديما عندكم

فالقلب ماعليهم خوف ارقود فيه وغطاهم غلا

انكان جبتا للدار تكمل ادموع وتجي امطوبسه

غلاك ماعليه اتخاف ..............مبذور شتل في نوس خاطري بنت عقلي

تقاون امعاي اوحلت ...... اهموم وقت لاويهن عند

للدار قلت وين عزيز .... ردت علي بالي قلتها

مالدار خفت نين قدعت,,,,,,,,,, تصافق خلاها اوريحا

نمشيلك انجي بريان ,,,,,,,,,,, دواي فيك يا دار القدم

اتحوس في اوهام الدار .......... وتقول وين غاليهن مشا

صبرك يا عين علي بكرا كل همومك تبقى ذكرى

العين حالفه للعقل .... انطيعك الا في نسوهم

فيه اللى يحطب للريح.... وفيه اللى الريح اتحطبله ... وفيه اللى يفهم تلميح ... وفيه اللى لازم تكتبله ..وفيه اللى يبى التوضيح ...وفيه اللى يدور فى سبله ... الدنيا وين امعاك اتميح ايجيك عزيز وماتتعبله..وللحديث بقية

فالدوج كي انشيل انظري ,,,,,,,,, نفقد عزيز وتسيل دمعتي

نلقى العزه لمواجعي مرات وأنكابر أبقولت ساااهله نقدرها
لكن إلي ننقانهن وعرات مش كل مكسوره الوقت جبرها

اخر شي وصلتا في غلاك,,,,ورحيلي خير من دمعي حذاك
رحيلي في سلام..اخر شي هو مسك الختام
بلاك ان كان فضلي ايام..لا ما نموت لوعدن بلاك
ما يعني انتهيت..انا رفقت ولقيت
طريق العمر ما تكمل بلاك

صيور الدنيا منفرجه قولوا للمتضايق يرجا

حتي الصبر قال ابطلت .... اصبر بلاي ماعاد حاملك

ما نرقد ليلي متهني .... حتي الضيق اضايق مني

جديده اتقول اليوم جراحت الغلا فى خاطرى فى خاطرى

يا عين ما تنهالي حكم الحياه ياعين ماتنهالي **** لو كان بيدك مافقدتي والي

اانتي يا عين عزاك دموع * * * * الغالي سكر عل الموضوع

مالي اركان العقل .... غلاك مو شوي في خاطري

ظالم ونا مظلوم***عزيزكي اكرهني دارنــــــــي
نسيانك من البال ضليمة ***يا خاطر عالخاطر ديمه
ظلموني اعزاز بكيت*** اندمت في مغالتي لهم

مولاه من اوهام قديم@@@ العقل كي قدع سالم حمد