رد: لعبة حصرية ..مربوعة المنتدى سهارى المنتدى شات دردشة المنتدى

من طرف محمد اللافي 2011-10-14, 10:22 am

تذكير بمساهمة فاتح الموضوع :

انت ابكيلي بس يا بركة
وحقك عليا الي تبكي بيها تسكت بيها يا بركة

من طرف اسماعيل ادريس 2011-10-24, 3:35 am

الطلقه براجل ف العرف
والراجل عند موته مقتولآ ب 2000 دينار

من طرف رناد 2011-10-24, 3:38 am

ايوا صح .. بس ليش ما ايطبقوا العرف في قوانين توا؟

من طرف اسماعيل ادريس 2011-10-24, 3:44 am

نحن انقولوا انشالله العرف ينتهي لانه هو سبب دمار لبلاد
فمثلا::تحدث لشخص مشكله ويأتي من يريد ان ينهي المشكله ممكن ايكلف
صاحب المشكله تكاليف كبيره اذا كان بينهم حساسيه اوخلاف
وان كانوا اصحاب واحباب يحاول ان يخفف عنه لاقصى شئ
نحن الان نريد دولة القانون بحيث يصبح كل شئ واضح
وتكون كل جريمه عقوبتها معروفه.....فهمتي شن نقصد

من طرف رناد 2011-10-24, 3:49 am

اوكي معاك في هذي , بس سابقا ماكانش العرف هو اللي يحكمو بيه طول, لأ تقريبا ثالث او ثاني مرجع, ومع انه اغلب قوانينه بايخات لكن فيه حاجات ت بكل ونقدرو نستفيدو منهن حتى توا

من طرف اسماعيل ادريس 2011-10-24, 3:53 am

ممكن نستعينوا بيه بس مايغيبش القانون الوضعي لانه هو عصب الدوله
انتي شوفي اي دوله مفروض بها القانون متقدمه ومتطوره وجميع شرائح
وطوائف الدوله تحت طائلة القانون بالعربي مافيش كبير قدام القانون
لكن ايام القذافي القانون العرفي طاغي على القانون الدولي
والكيد جاي ع الرز والحواله والمراكز اينشوا فالذبان من عي وجوههم

من طرف رناد 2011-10-24, 4:02 am

بس نا برضوا مش مع القانون الوضعي 100% ولا مع العرف
اول حاجة لأن القانون الوضعي فيه حاجات تخالف شريعة ربي وتقدر تسال عليها والعرف كيف ماحكيت انت بروحك!!! يعني الحاجة الأمثل انا نحكموا بشريعة ربي 70% والقانون الوضعي 20% والعرف 10% وهذي قناعتي الشخصية

من طرف اسماعيل ادريس 2011-10-24, 4:06 am

اذا كان القانون الجديد مصدره الشريعه الاسلاميه
موش ح نحتاجوا للعرفي نهائيآ لانه فيه خالفات حتى هو صريحه
للشريعه الاسلاميه
مع انه الفتره اللي فاتت وعلى مدى 9 شهور القانون العرفي هو اللي سايد
والشياب والعواقل هم اللي ينهوا ع الغلط وينهوا في مشاكل على مستوى
ليبيا

من طرف رناد 2011-10-24, 4:09 am

عموما ان شالله خير.. توا اهم حاجة بلادنا تستقر والحاجات هذن لاحقين عليها

من طرف اسماعيل ادريس 2011-10-24, 4:13 am

انقولوا حتى نحن انشالله امور لبلاد اتحسن
لانه الناس نفسيآ تعبت زيد المساكل الاقتصاديه الفتره اللي فاتت
لكن ربنا موجود
والمفروض يشقوا بالناس ..ايوفروا سيوله يهتموا بالمستشفيات ايفعلوا
جميع قطاعات الدوله المهمه للمواطن على اقل تقدير في الوقت الحالي

من طرف رناد 2011-10-24, 4:21 am

بصراحة بيني وبينك من بداية الثورة والترهوني هذا ايعاود في نفس الدسكة اللي امختشة هذي لكن ما شفنا شئ اوكي أي نعم فش سيولة من قبل بس توا الحمدالله خير ربي واااجد ونذكرها صدروا نفط مرتين ع الاقل يعني تقريبا ايسد للحاجات المهمة والسيولة اللي اتجي من برا اتجي من برا ايخصصوه للبنى التحتية .. بس نحنا صبرنا صبرنا تو انراجو عاد وانشوفوا شن بيديروا من حل

من طرف اسماعيل ادريس 2011-10-24, 4:27 am

الخير جاي انشاءلله بس لازم مااش ايتأخروا بالاصلاحات
وصدقيني من اهم عوامل الاستقرار المال والخدمات اليوميه للمواطن
لو الناس اللي يمشي للمصرف يسحب فلوس غير يعطوه اللي له
توا اتشوفي كيف يمشن الامور
اليوم يحكي لي واحد من طبرق قال لي من بداية الثوره السحب
من مصرف التجاري طبرق 100 دينار بالله عليك شن ايكفن
ولله شن ايديرن
الخبر هضا ايجيب كلام الناس قادمه علي عيد
اللي يبي يشري عيد واللي يبي ايكسي اعيال
موش عارف لغاية امتى

من طرف رناد 2011-10-24, 4:33 am

صح صدقت يستر الله بجد بس نقة عاد كان ماداروش حل . لأنهم يقدروا ياسيدي حتى كان مصارفنا فاااااااااااااضية في حاجة اسمها سلفة مش لازم من دولة معينة يتسلفوا حتى من منظمة م المنظمات! اقل حاجة ايمشوا بيها

من طرف اسماعيل ادريس 2011-10-24, 4:37 am

هم متجهين للشي هضا
اول حاجه نزلوا الفلوس اللي ضموهن زمان اصدارات.3..4..5
وتوا يبوا اينزلوا كميه اخرى منهن لان المجلس اعتمدهن
وبعدين تقريبآ حتى اضاحي العيد ايقولوا وصلن
ولكن كله كلام نبوا حاجه ملموسه الناس اتعبت مالوعود

من طرف رناد 2011-10-24, 4:46 am

اوصلن!!! والله ماظني الا لعند صلاة العيد وهم ايقولوا مازالن في الطريق..
يستر ربي والله يا اسماعيل مع ان بلادنا فيها خير واجد بس سبحان الله في الاحداث انا بروحي شفت حالات منتهية بكل تحت خط الفقر بس الحمدلله اللي حالتهم متريحة إيأدوا في واجبهم بالزيادة وان شالله ربي ايفكنا من هالازمة.

من طرف اسماعيل ادريس 2011-10-24, 4:50 am

هو في جميع الاحوال سنه ولكن اللي عنده عيال يبي ايجيبه وخلاص
لكن انشالله منفرجه
كيف كنا وكيف تمينا تذكري بداية الاحداث الناس كلها حتى اللي عنده
ماحصلهن مالمصرف
واليوم الحمدلله
بالنسبه لنا نحن في التميمي المصرف فيه سيوله ويعطي ليام اللي فاتن
اللي عنده رصيد لغاية 750 دينار والامور ماشيه والحمدلله

من طرف رناد 2011-10-24, 5:00 am

الحمدالله.. بس نا اللي قاهرتني حاجة من قبل في المنطقة الشرقية الرواتب 250 فقط لا غير سوا عندك رصيد خاص او لا في حين ان طرابلس يعطوهم حقاتهم وبزيادة اخرا..وبعد جتنا سيولة عليش خصصناه للبنى التحتية امتاعت طرابلس مع ان الاولى حاجات ثانية اهم بواجد!!
حتى نا نحن توا الحمدلله من حسابك تقدر تاخذ حاجة اكويسة لكن الرواتب مازالن مش تمام

من طرف اسماعيل ادريس 2011-10-24, 5:04 am

مايكذبش عليك حد
الطاغيه بيش ايسبب فتنه رفع مرتبات المنطقه الغربيه
لكن لما صار تحرير طرابلس استعانو بقرار حكومة الطاغيه وذلك لتوحيد
المرتبات على مستوى ليبيا هذا مبدئي
والقرار موجود على صفحات منتدانا تقدري اتشوفيه