منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» هكذا جمع اغنياء العالم ثرواتهم الهائلة ثم يتبرعون بها في أسرع وقت
اليوم في 1:03 pm من طرف عبدالله الشندي

»  10 عادات يومية تجعلك عرضة للأمراض.. فاحذرها!
اليوم في 1:01 pm من طرف عبدالله الشندي

» شركة هاتف ليبيا تعلن انتهاء من أعمال صيانة إحدى الكابلات في الجنوب
اليوم في 12:55 pm من طرف عبدالله الشندي

» وصول كميات كبيرة من الوقود إلى ميناء بنغازي البحري
اليوم في 12:53 pm من طرف عبدالله الشندي

» حدث في مثل هذا اليوم October 21, 2017
اليوم في 12:51 pm من طرف عبدالله الشندي

» اللون الأحمر بالشمندر يعالج السرطان؟ اليك السر
اليوم في 12:50 pm من طرف عبدالله الشندي

» #دورة ادارة #الامن و #السلامة في #المستشفيات|معرفة أنظمة الصحة العامة بالمستشفيات
اليوم في 10:34 am من طرف مركز ميتك

» دورة امن السفن والموانئ|00201201324991
اليوم في 10:32 am من طرف مركز ميتك

» #دورة تأهيل القضاة و المختصين في الجرائم الالكترونية
اليوم في 10:31 am من طرف مركز ميتك

» في البداية حرَّمتها الكنيسة لمنع الفتنة بالنساء.. تعرَّف على سبب صناعة أزرار الملابس عبر ا
اليوم في 9:26 am من طرف STAR

» خطاب أرسله أحد ضحايا تيتانيك لوالدته يباع بمزاد علني.. هذا آخر ما كتبه راكب من الدرجة الأو
اليوم في 9:23 am من طرف STAR

» لا تتخلص من قشر الموز بعد الآن.. استخدامات "سحرية" لتبييض الأسنان وحبَّ الشباب
اليوم في 9:22 am من طرف STAR

» فيديو.. شاب سعودي يسجّل لحظة وفاته بحادث سيارة قاتل على إحدى الطرق العامة بالمملكة
اليوم في 9:11 am من طرف STAR

» قائمة اليونسكو لأقدم 10 مدن في العالم
اليوم في 9:05 am من طرف STAR

»  أعشاب لعلاج المعدة.. بعضها ذات شعبية كبيرة
اليوم في 9:04 am من طرف STAR

بحـث
 
 

نتائج البحث
 


Rechercher بحث متقدم


هناك ناس تكرههم من اوّل ليله

استعرض الموضوع السابق استعرض الموضوع التالي اذهب الى الأسفل

هناك ناس تكرههم من اوّل ليله

مُساهمة من طرف اسماعيل ادريس في 2012-03-04, 3:08 am

هناك ناس تكرههم من اوّل ليله
وهناك ناس ما يهُونوا سْنين طويله

هناك ناس حبايب
... وهناك ناس تكرهْم بْغير سبايب
ولا عقل عامر كيف عقل الخايب
ولا وْجوه تَنْدى كي وجوه بخيله

هناك ناس يا مَحْلاهم
وهناك ناس ما تَقْدر تعيش بلاهم
وهناك ناس حسْدِيَّه وسُود نْياهم
ثْياب بِيض من بَرَّه وجَوَّه نِيله

هناك ناس غَوالي
حتى ان باعَدوا ما كَيفْهم لا والي
حمَّالين للسَّيَّه بْطَوعة بالي
علي خطّْهم ما عندهم تحْويله
وهناك ناس عشْرتْهم خَطَا طَوّالي
مكتوب في جباهِهم خَراب العَيله
وهناك ناس تعْزم واليدَيْن خَوالي
وهناك ناس تَبْخل والجّيُوب ثقيله
هدايات مالرّب الكريم العالي
وبُو طَبْع ما تنفع مْعاه الحيله

هناك ناس ما تَقْبلهم
وهناك ناس لك غايه تْجول لْهَلهم
وهناك ناس لا دارَوْا خَطَا تحملهم
وهناك ناس في عَقْلك لهم تجْفيله
وهناك ناس عالحَيِّين لا تجْملْهم
اللي تْجيك منهم مالْها تبديله
ولا يفْرقْوا ظنِّي الا بْعَمَلْهم
ما حَدْ علي التّسْعه مْزَوّد لَيْله
وهناك ناس ما يَنْسوا اللي صارْلهم
يردُّوه بعْباره ووافي كَيْله
وهناك ناس لا هبّْ الهْبوب خَبَلْهم
ونسْيَوا اللي عدَّى وضاع جميله
ولا خير في اللي ما يْبات عَلَلْهم
ولا في الخَلِيل ان كان فاتْ خليله

هناك ناس يا مَبهاهم
وهناك ناس تُوعدْهم وما تَلقاهم
وان قابلتهم تَلقى العَذَارْ معاهم
مْجَهّْزيَّنه ما عندهم تعْطيله
كلامْهم اللي قالَوْه ضدّ نْياهم
ان كان بَحّروا ينْوُوا على التّقبِيله
احتار في مْوَدّتهم اللي ماشاهم
مربّْيِينَّه شاطب وحَار دليله
لصحاب كيف في صفّ العدو تلقاهم
صحْبتْهم مْعاك مغير نَصْب وحِيله
قِريب نقْصهم منَّك بعيد وفاهم
مَشْيُول عالدّبَر في حمْلهم تمْيِيله
مفتوح عالخْساره بَيْعهم وشْراهم
السّتْرَه مْع بو صَحْبَين قليله

هناك ناس اماره
وهناك ناس ما ظنِّي يساوُوا باره
وهناك ناس تلقى سَعْيهم في الكاره
وأرزاق واجْدَه غير النّفوس بخيله
والمال في قليل العزْم راهْ خْساره
حتى وهُو حَكيم بعلْم في تعديله
وهناك الفقير وما يسَيّب عاره
حتى إن كان ما عنده الْيَدّ طويله
وإن ما كان في جَيْبه قضي من جاره
علي قيْس نِيتَه ربّْنا يعطي له
مَوْكار الصْقُوره ما تْجيه حْبَارى
ولا مْرَوّمَه تَلْحَق ثمَنْ لاِصيله
وحظّك اللي ترْميه مالبذّاره
يَطْلع بْعَينه تحْصدَه وتْشِيله
والجَّدِي لو تقَوَّى نين فات حَكاره
ان يَبْقى علي شَيْل الحْمُول هَزيله
وشْوف الجمّل حتى إن خفّ عْباره
صِليبه علي حمْلَه اخْرى ترْمِي له
شديد العَصَب حَمَّال في مشواره
قطّاع الفيافي وين مَدّ رحيله
إن راد ربّْنا ما حَدْ يسيِّب كاره
الرّاس راسْ والواطي ان زال وذيله
هناك ناس يا مَبسَلْهم
لا غَريب يَقْبلهم ولا من هَمْهم
وهناك ناس في الحَيِّين شَيْن عَملْهم
ذكَرْ نخِيل لا رَمْيَه ولا تظْلِيله
عَلْقم وحَنْظل وين ما تاكلهم
وان رافقتهم يبْقَوا عليك عَدِيله
وان نازلتهم بالدّار جار لْهَلهم
علَيْ عيْب عَيّل يجْردُوا بالعَيْله
علي جارهم ديما يزيد عَلَلهم
قْلال الْعنَا لا جَتْ الدَّلو ثقيله

هناك ناس تكرههم من اوّل ليله
وهناك ناس ما يهُونوا سْنين طويله
~~~~~~~~~~~~~~~~~~~~~~~~~~~~~~~

avatar
اسماعيل ادريس
مستشار
مستشار

ذكر
عدد المشاركات : 15213
العمر : 43
رقم العضوية : 1268
قوة التقييم : 66
تاريخ التسجيل : 28/02/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى