منشورآت توزع في بـنـغـآزي ودرنة آلأن من دُعآة آلفيدرآلية .

يستر الله على بلادنا..

انا مع الفدراليه لانه الغرابه بدو ايتحكمو فينا من توا......

أنا مع المنشور قلبا وقالبا بشروطة بالظبط فمرحبا بها

معليش الى مع الفدرالية ...الافضل قولتم هذا الكلام من الاول حتى نستطيع ان نحافظ على ابناءنا من الموت والتشريد ...ولا نرفع شعارات وهم وخذاع ..
وايضا انتم لم تتركوا شيئ يا شرق اخسارة ...لقد عرفنا الحقيقة متأخرة
وكنا نبحت عن ليبيا مبروك عليكم الفدرالية ....بس دماء ابناءنا نحن لن ننساها
لانها ذهبت فى مهب الريح .....الف مبروك ....

homeland كتب:معليش الى مع الفدرالية ...الافضل قولتم هذا الكلام من الاول حتى نستطيع ان نحافظ على ابناءنا من الموت والتشريد ...ولا نرفع شعارات وهم وخذاع ..
وايضا انتم لم تتركوا شيئ يا شرق اخسارة ...لقد عرفنا الحقيقة متأخرة
وكنا نبحت عن ليبيا مبروك عليكم الفدرالية ....بس دماء ابناءنا نحن لن ننساها
لانها ذهبت فى مهب الريح .....الف مبروك ....

ليش هالكلام يا أختي .. ما قصدك بأن الشرق لم يترك شيئا !!!!!!!!!!!!!!!!

لان احد الاشخاص قال بالحرف الواحد ..
الغرابه بدو ايتحكمو فينا ...
بالله عليكم هل تعمم السيئة على الغرب والحسنة تخص الشرق ..
اريد ان افهم ...
يعلم الله اننا نريد ليبيا حرة وحدة واحدة ...
بس لماذا تحددون الغرب اليس فيه رجال ام ماذا نريد ان نفهم ...

أختي نحب نقولك لو الشرق حاب يقسم ليبيا

كان قسمها يوم 20 / 2 يوم تحرير بنغازي

لهذا اطمئني ليبيا لن تقسم ..

استاذ جمال لسنا اغبية نعلم ان الفدرالية تقسيم واذا حدث هذا الامر فنحن
سنعيش بس بعلمنا ونشيدنا الذى سنكتبه بقلوبنا ...ونوحد كلمتنا وننفصل كليا
لنحقق رغبتكم ...

استغفر الله

استغفر الله..ونعم بالله فنحن نخاف الله اختى pure heart
دع الأيام تفعل ما تشاء ..... وطب نفسا إذا حكم القضاء
ولا تجزع لحادثة الليالي ..... فما لحوادث الدنيا بقاء
وكن رجلا على الأهوال جلدا ..... وشيمتك السماحة والوفاء

و نحن أيضا نخاف الله .. و لله الحمد

عاشت ليبيا حرة موحدة

أختى الكريمة لا نقصد تقسيم البلاد المنشور كلامه واضح كل شي موحد إلا الناحية الإدارية

بدل مايتعب المواطن ألف كيلو ويشرد كم يوم لإنهاء مصلحته ومش عارف وين ينام

وكم يبي يصرف فى رحلته الطويلة وكأنه غريب لآنه مايرحمه حد عندما تنقص الإجراءات عنده

فمن الناحية الإدارية والمالية تساعد المواطن على إنهاء كل متطلبات الحياة والإجراءات المرهقة

وهذى هى التعين المواطن على وجود راحته مش مركزية مقيته 42 سنة

أعتقد طريقة سليمة وليست فيها هيمنة فا كل شي موحد الرئيس والدستور والمنهج والجيش

كلها تحت نشيد واحد وعلم واحد ...الأمر بسيط لا يحتاج إلى تهجم على الشرق فهذه

الردود تسبب الفتنة فعلا

شكرا اختى الكريمة هوميلاند على تواصلك والشرق والغرب خوت مايفرقهم شي

استاذ جمال فى حاجة اسمها اللامركزية وتنظيم ايدارى ليأخد كل دى حق حقه
بس والله حرام بعد كل هل الالم والدم ...يمشى هباء....................... كم دماء سالت من الجهتين من الشرق والغرب والجنوب....
اليس لهم حق بأن نحترمهم .... البلد تبى اصلاح ما افسده القذافى ...
وليس النزاع على السلطة...

أبلة هوميلاند
لو كنا نبو السلطة لكانت أصواتنا 102
لكن أصوات الشرق 62 الفرق شاسع من يبي السلطة ؟
والشهداء فوق روسنا محترمينهم وهمومعروفين امنين الشهداء
ودم الشهداء مايميش هباء فعلااا
لا نتنازع عن السلطة بل نريد حقوقنا فهيى مهضومة من زماااااان يكفينا ظلم
ليبيا دولة موحدة لا فرقة ولا تهميش

يا اختي حرام عليكم امس عبدالعال ايهدد في الشرق ليش ما تكلمتي وقبلها الجويلي
مصراته دايرة قانون ايداري ابروحها ايراد مصنع الحديد والصلب خاص بمصراته
مصراته دارت افاقه دوليه مع مالطا
هضا شنو موش فدراليه ليش ديما علينا نحن نرضو بالفتات والغرب يغوص في مليارت ليبيا
مطار العاصمه تحت مليشيات قدام اعيونكم ميناء ومطار مصراته تحت مليشيات ليش الكذب ويقولو استلمهن الجيش وهم نفس المليشيات عبارة علي انهم كتبو جيش وطني علي الحائط
حرام عليكم ليش مكتوب علينا الحرب والغرب مكتوب عليهم الادارة والمكاتب وظلم غيرهم

انتي تحكي كامواطنه لكن ارجوك ارجوك انظري كاليبيه بلادها تسرق وتنهب امام عينها وان تكلمت تتهم بالفتنه والتقسيم

استاذ جمال اسألك سؤال اعطينى مدينة ما ظلمها القذافى بأستثناء سرت ومصراته
وسبها ...اما باقى المدن فهى فى اسوء حال ...من كل ليبيا ..شرق وغرب وجنوب ....

ياجمال واختى الفاضله هيلموند
لو نحن رضينا بها الاضحوكه كلمة اللامركزيه فهذا هو fatel mistake اى الخطاء القاتل
هما مش حيقولولنا حتقسم ليبيا من الباب للطاقه ضرورى تمهيد بكلمة الفيدراليه واللامركزيه وشويه شويه برقه وفزان وطرابلس وشوى اخرى قواعد اجنبيه فى اى مكان فيهن
الفكره مرفووووووووووووضه لانها مشروع فاشل ويزيد يفتتنا على اثر مانا متفتفتين اساسا
انشالله ربى يخيب رجائهم

استاذ محمد اللافى ...مافيش ليبى حر يرضى بأفعال عبدالعال والجويلى
بس هذا يتطلب منا ان نقف مع بعض لنطردهم لا ان نجعلهم يفعلون ما يريدون
اعلم انكم عانيتم وقدمتم الكثير ...ولكن كلنا لسنا راضيين عن هؤلاء القتلة..
وعبدالعال والجويلى و ناكر اساس البلاء فى البلاد ...
اتعلم ان اسامة الجويلى جاء الى بنى وليد وتعاون مع ازلام القذافى .وخرج فى وسائل الاعلام وقال مشكلة قبيلة فى بعضها..وشارك فى قتل 5 شباب من كتيبة 28ماير ..

ات

لاللقيدرالية نعم لللامركزية ليبيا دولة واحدة
يريدون الفيدرالية لتقسيم ليبيا الى دويلات واقاليم مشتتة
الاستعمار هو الذى قسم ليبيا الى اقاليم ليبسط سيطرته عليها والملك ادريس وحدها وهانتم تريدون تقسيمها
عاشت ليبيا دولة موحدة من الشرق الى الغرب والجنويب كلنا ابناء هذا الوطن

صح يا اختي وانا قلت الكلام هضا من قبل وزعلو مني اعضاء ومنهم ابناء عمي
السؤال ليش مافي حد من المنطقه الغربيه تكلم عليهم ليش علي خطأ ارتبكه مواطن عادي كيف الزبير الدنيا قعدت ما نزلت وطلعنا نحن في الشرق ملايين ورفضناه
اما لم وزير الدفاع يجتمع مع قادة كتائب القذافي الي كانو في رتل بنغازي ماحد في المنطقه الغربيه تكلم
ليش بعد الامعه ناكر تعدي علي سيادة الدوله بتصريحات حتي رئيس الدولة ما ايقولهن مافيكم حد تكلم ولا المجلس ولا الاعلام
الم تلاحظي سكوت المجلس واعلام المجلس واعلام مصراته لم يتكلم علي المدعو ناكر ولا كارثه الجويلي
يا اختي ليبيا قسموها هم ولسنا نحن قسموها بسرقه المليارات
اليوم لجنه من بنغازي كانت تحقق في اختلاسات وسرقه بالمليارات لشركات اصحابها من المنطقه الغربيه وعلي رأسهم ادبيبيه والذي هو الان رئيس دولة مصراته فجأة اتتت لجنه من طرابلس مشكلة من مجموعه اشخاص من المنطقه الغربيه واستلمو الملفات وقالو لهم سوف نكمل التحقيق وبقدرة قادر اقفل التحقيق والكارثه ان الاشخاص وقعو عقود شركات جديدة مع الدوله الجديدة
هذا كلام من شخص مسؤول من اللجنه في لقاء معه اليوم علي الراديو

استاذ محمد اللافى..القنوات كل منهم يلمع فالسارق الذى كان مع القذافى
بس هل الحل بتمزيق البلاد ..عارفة انهم اساس الهم الى اصلا فى المنطقة
الغربية تعانى منهم ..مصراتة والزنتان و لو المناطق المجاورة لهم والمنطقة الشرقية
لم تستطع ان تفعل شيئ ...ولكن انك انت المجد وانت الزعيم نفس نبرت
المقبور..انا عندى لا يختلفون عنه ...وايضا ازلام القذافى فى بنى وليد ...
فهم جميعا سوى كل منهم يبحث عن الفتن...

ماهو الحل اذا
انا لست اتحدث عن الفدراليه كاحل للمشكله انا لديا اصحاب ورفاق من كل مناطق ليبيا والحمد لله ممكن مناطق انتي لم تسمعي بها او لايوجد بها من تعريفينه
ولكن لن ارضي بأن يحكمني قاطع طريق او عضو لجان ثوريه او مختلس او رفيق لسيف الاحلام
ارجوكم اخوتنا في الغرب قفو معنا في وجه هؤلاء فقد طغو في الارض فساد ونهبو مال الدوله الطاغه جمع 160 مليار اردناها نواة ليبيا ولكن اختفت منها ما يقارب 40 العام الفائت وهذا العام 68 مليار
اصبحو يتحدثون وكأن المليار الف
يا اخوتنا لو كان مطلب الوحدة فا اتحدو معنا ضدهم