عندي قلب مانرقد امعاه

هذه القصيده للشاعر المبدع صالح بوعياد الشهيبي
عندي قلب مانرقد امعاه .......... فيه ادعوه عاصي عالطبيب
طول الليل ايثغِي يا الله ........... الطف بيه سلتك يالحبيب
ايجظ ابداه وانضر ويش داه ....... جيب شفاه ياعالم الغيب
عوي في الجوف شاغلني عواه ..... اتقول ساكن فيه ذيب
داير وكر ساكناته اجراه ........... داره الكبد عنها ما يغيب
وسط القلب حافر في ثراه .......... وكم شريان ساكن في العطيب
داره الكبد مو ساهل جلاه .......... وان صار انزاع ملكه ياطبيب
وانعيش ابقلب ندفع في اكراه ........ لي غيرمني اوخذ غصيب
قلب ايجظ من ضيق الوعاه .......... حاجه نين صبحه ماوقريب
وان هويت ماتجيبه اهواه ............ عايش عمر قزون وغريب
ودي امرضه كتفهن وراه ............ امغير صبور راضي بالنصيب
وخاطي امرضه مامن عيب جاه ....... من اللي امعاه راضعين الحليب
ومامن عيب من عزوة ضناه .......... امغير القيته جبد العيب عيب
وعاش القلب يطمر في اجواه ......... نين الطمر ركب فيه شيب

عندي قلب مانرقد امعاه .......... فيه ادعوه عاصي عالطبيب
طول الليل ايثغِي يا الله ........... الطف بيه سلتك يالحبيب
ايجظ ابداه وانضر ويش داه ....... جيب شفاه ياعالم الغيب

مشكور يااسطورة على الكلمات التي تشبه السهام فتخترق القلب وتمزقه

صح لسانك

السلام عليكم

في جحود خلاك*** وفي ليلة شتاء ماهناش من يالاك
يبرم سيل يضيعهن سنين غلاك ** تقعد حواكي فوق حكا يلحاحن


مشكور ولك تحيه

أختيارك جميل جدا عزيزي ينبض باحنيه النابعه من القلب بالتوفيق صديقي المميز " تحياتي وأحترامي
همسة شوق

تشكر علي المرور الذى زاده الموضوع نورا
بارك الله فيكم

مشكور يا غالى على ما طرحت