ما ننهاك بدمعة سوقي . ليش اتروقي .. زول عزيز مشا في شوقي

من طرف **العاشق الصغير** 2012-09-29, 10:25 am

>

للشاعر فرحات العبار

>

ما ننهاك بدمعة سوقي .. ليش اتروقي .. زول عزيز مشا في شوقي
ما ننهاك تماصه كبي .. كيف اتجبي .. ع الاوهام ابدمعه عبي
كمك في بودور امهبي .. فيه احقوقي .. ضاعن ضيع نمى اوبوقي

ما ننهاك بدمعه ديمة .. في التدويمة .. سيلي في خلو امواهيمه
دمعك سيل ترادف غيمة .. فيه ابروقي شكع اسيوف نهار اقنوقي
شابه بيه امحوجب ميمة .. جاء يزروقي .. مشية جر سفا عبروقي
ما ننهى اولا ننهى عنه .. عقلي منه .. تالف ماروقات عطنه
جفواه او موحه والغنة .. ساق ابسوقي .. طال الباع صعيب اعلوقي
فيه اللي فدر شالنه .. خش ارقوقي .. باعد كيف ايسير الحوقي
بين ثنايا ريب طونه .. زم احلوقي دمعي فيه عزاه انوقي
لايدنى ولاندنى منه .. سمح الزوقي .. حيز اوحاز اريافي وشوقي
ما ننهاك وراهم نوضي .. ديمه لوذي .. عالوهام تلف منقوضي
من ياسة مطاول موذي .. عاقك عوقي .. عائق عوق روق اخلوقي

ننهاك انهالي نوحي .. كان ابكاك امناك ايجيبه
واللابيه سطير اجروحي .. يهمد ماعاد انشاكيبة
والي لاتميت ابلوحي .. نتقه دمع اتذريبه
به صيفه ياعين مسوحي .. شلتي غير انتي تبكي به
ع الغايب وانا مستوحي .. يطاول ياسه وسريبه
فيه اخطاك اوبارنقوحي .. م الساعة جيتي تشليبة
سرك تكمي والا بوحي .. ع المجهول ابناه نصيبه
نا ماني بالحيل طموحي .. لاني لتقهيرك تسبيبه
م الساعة عارف مربوحي .. نسمرمن رايات عطيبة
درتيهن ماجن في طوحي .. شلتيهن ترديف صليبه
فوق احمول امغير ابروحي .. وانتي في لشوارذهيبه
طاريلك طب المريوحي .. بين مجاذيبك تهذيبه

خوذي مني فيه سموحي .. لوعمرك كله تقضيبه
دمعك وابكي بيه نصوحي .. كينب ايواطيه لهيبه
هلي في المكنون اسروحي .. تسرح وابكاك انداويبه
تنشر ياعيني اوركوحي .. بشواش أوماشي تسبيبه
كلي نا مطاول موحي .. عارف وانتي ماتدريبه
كلى انتي خليك اتذوحي .. بين اوهام خلا وامريبه
خلالك من شال اوسوحي .. واخرى نوقي .. واللامة شوقي ماتضوقي
ونا جرحي دار قوارير .. ظهر فوق الضماد وعاه
امعا الليل ايناوب تسطير .. اونسمرويتوق انفاجاه
اللي بيه ايهون تقهير .. خلافه نرسم نا وياه
مواعيده ماعندي غير .. ايجي وان النوم امهاياه
انوقض ويصير التكدير .. امعا جرحي مابان شفاه
بلا مول المشيه اتبيطير .. للي طانيني طال رجاه
ان قلت الساعة اعزوم اندير .. ايصادفني ويزيد كداه
العقل اوفي مدعاه انحير .. اومانصادف صابر نلقاه
اللي فاهم عنده تفسير .. اني ننسى ونعيش بلاه
اونا في ضني كيف ايسير .. الياساته نركن ننساه
اللي ناره دج اتوهزير .. امعاي اوماعندي ملجاه
اللامدعى عين اللي ايطير .. ان جبته نرتاح لذكراه
ايهون ع الخاطر تجوير .. افراقه وان كلي لاماه
احصل بين جروحي وتعسير .. بدن مايبقالي دنواه
ابها بكل زاد اتحندير .. اوجايز روقي .. مشيه جر سفا عبروقي

م ن ق و ل