مازال شوقي

من طرف ادريس امراجع 2013-05-11, 7:59 am

مازال شوقي/للشاعر عابد بوخماده

مازال شوقي فيهم حتى وهم غنايا نافضين ايديهم اعزاز ياولد

مالي علل يجبد* وماهناك شي حاجة بها نتكبد

امفيت ماغلاه ابقيتله متعبد* اليوم هله باعوني ونا شاريهم

مازلت فيه انفكر* غلا كنت والعبه صفاه تعكر

ونحاول المرا فيه مانذكر* ونقول يارجا طولت هاوي بيهم

مازلت فيه انمول* غلا اليوم دالنا ظروف تهّون

ماعاد يعاود كيف عهده لول* حتى لواعزاز اذكروا ماضيهم

مازلت مشتاقلهم* ومازلت نصرح بجيب عللهم

جفاهم الطايل فيى مو قاتلهم* اتقول مالنسية هواللي حاميهم

ومازلت شايل نارهم* ومازلت نساهف بجيب اخبارهم

حتى وهم غنايا عامرات اديارهم* وناسيني مالبال مانعنيهم

اليوم ياحمد عايش علي تذكارهم* وهمي عقاب العمر هو نبيهم

مازلت بيهم شاقي حتى والغوالي حاملين افراقي

ولناس غيرهم مابا يسيل ارياقي* ولابيت نجرحهم ولانعفيهم

عليهم انعدد في خراب اسواقي* حدود فزعتي ولابكاي عليهم

مازال شوقي فيهم حتى وهم غنايا نافضين ايديهم اعزاز ياولد