لو كان مالساعة

من طرف **العاشق الصغير** 2012-09-29, 10:46 am

>

قصيدة : لو كان مالساعة شلد من بالى .. للمرحومة ( حليمة اشريف السعيطى ) رحمها الله
رأس البيت يقول :
لو كان مالساعة شلد من بالى .... ما كان لا والى امسك فى والى
لو شــــلدنا رانا.... متباعدين كلتنا احصل فى حانه
لا حب لا ناقر ايعد خطانا ..يمضى العمر وكل منا خالى
الا تو صعب نقطعوا جرنانه ..غلاء وقتنا كله علينا مالى

لو كانى مالساعة .... تباعدت من نارك اللى ولاعه
ولا طحت ناوياك فى بلاعه ..بقينا سماره كيف حالك حالى
ولقيت الغلاء مركب اوحل اشراعه ..مكتوب لى انصارع الموج العالى

لو كان غير شلدنا .... ولا صار ملقانا ولا ميعدنا
ورانا على ادروب الغلاء باعدنا ..اخطينا شقاء رحلة اسنين اطوالى
ولا اقدرت نيران الغلاء تصهدنا ..نين خلّــفت بينا نصيب علالى
لو كان قبل ما انتقرّب .... لو كان قبل ما لوعة الحب انجرّب
وخليهم ايقولوا مالغلاء اتهرّب..كما هروب جندى فى نهار اقتالى
موش خير من نار الغلاء تســرّب..وتاكل احواش العقل قبل وتالى

تـــــوّه اصعب تقطيعه .... والخراب ما قرّت عليه شريعه
والحب ما ينباع نين انبيعه ..انقول خيرلى نصبر الصبر اولالى
واللى تخدمه لازم عليك اطّيــــعه ..واللى ترهنه بيعه يكون حلالى

لو كان مالساعة شلد من بالى .... ما كان لا والى امسك فى والى

لو شــــلدنا رانا.... متباعدين كلتنا احصل فى حانه
لا حب لا ناقر ايعد خطانا ..يمضى العمر وكل منا خالى
الا تو صعب نقطعوا جرنانه ..غلاء وقتنا كله علينا مالى

لو كانى مالساعة .... تباعدت من نارك اللى ولاعه
ولا طحت ناوياك فى بلاعه ..بقينا سماره كيف حالك حالى
ولقيت الغلاء مركب اوحل اشراعه ..مكتوب لى انصارع الموج العالى

لو كان غير شلدنا .... ولا صار ملقانا ولا ميعدنا
ورانا على ادروب الغلاء باعدنا ..اخطينا شقاء رحلة اسنين اطوالى
ولا اقدرت نيران الغلاء تصهدنا ..نين خلّــفت بينا نصيب علالى

لو كان قبل ما انتقرّب .... لو كان قبل ما لوعة الحب انجرّب
وخليهم ايقولوا مالغلاء اتهرّب..كما هروب جندى فى نهار اقتالى
موش خير من نار الغلاء تســرّب..وتاكل احواش العقل قبل وتالى

تـــــوّه اصعب تقطيعه .... والخراب ما قرّت عليه شريعه
والحب ما ينباع نين انبيعه ..انقول خيرلى نصبر الصبر اولالى
واللى تخدمه لازم عليك اطّيــــعه ..واللى ترهنه بيعه يكون حلالى

م ن ق و ل