شاعر أمعاك أبظلم وأبتهميش ..... عندك أجندة ناوية طرطيش

من طرف **جمال المروج** في 2012-10-26, 10:20 pm

شاعر أمعاك أبظلم وأبتهميش ..... عندك أجندة ناوية طرطيش

عندك الأنانية ..... وأتحب روحك موش شاعر بيـــــا

مليت من فوضة المركزيــــة ..... ونا معاك ند الند نبي أنعيــــش

يا نقسموا وأندير فدراليـــــة ..... ونلقا بديلك غير ما نبيـــــش

اللي مثيلي صعب تلقا زيـــــة .... كيفي أنا في وقتنا ما فيــــــش

كيفي أنا واحد أيجي فالميــــة .... بلوية أذراعي فالغلا ما أنجيـــــش

نقسا ونبعد ما أتهون عليـــــا .... لو أتحبني ترضا شقايا ليــــــش ؟

لو أتحبني ركّح اللعب أشويــــة .... أعقل وبطّل يا حبيبي طيـــــش

أنت الهوا والشمس واللميـــــة .... أنت بلاك الكون ما أيساويــــــش

أنت قمر ما أنشوف غير أبضيــــة .... في دولتي رانك مثيل الجيـــــش

حياتي بلاك أتكون فوضاويــــة ..... فوايد وجودك عرم ما نحصيـــــش

أنت غلا وإحساس عايش فيـــــا .... أنت حياتي كان ما تدريــــــش

بعد كل ما قتلك أتجيك النيــــة ..... جرحك اللي سببت ما أداويـــــش

منقول