الشاعر صالح بومازق الرفادي ضد الطليان والعملاء

قصيدة للشاعر الشوبكي خيرالله
راد فيها على راس بيت للشاعر صالح بومازق
البيت يقول
ياغاثة المكروب وان الشدة ،،، ما كان كون ولا حكمت بضدة
والشوبكي قال:-
ياغاثة المكروب في شداته ،،، وياملحق العاقب له رفيقة فاته
بحكمك يميح المزن في جيهاته ،،، ويسوقه بريح يغربله ويبده
ويبقى الجو هادي والمطر فلاته ،،، من قوة سحابه ع الوطا ممتدة
تلحق علي جملة جميع فلاته ،،،واللي قبل كان في حالة يبيس اتجدة
وصفة يدوخ الفكر بمهاياته ،،، ما انسان في جملة سوال يحدة
يامن عطيت الحي موهيباته ،،، واللي يديرها عندك بها مسودة
وهو مغير يدهور معا دنياته ،، ماقول صاحب ع الضلال يردة
امواليه كثرة المال واحكياته ،،، وكيف يتكي يلقى احذاه مخدة
وفي خير مطامن معا وشناته ،،، وحاصل علي جملهة رصيد يسدة
مازال وصفي متبع جيهاته ،،، للي بحكمتة ثابت الكون بيدة
الا العبد ماينفع وطئ شلماته ،،، ولا في العطاء ينهض اللي في الشدة
حتى لو عطاء حاجة تجي بهاته ،،، وحكاية سلف بأجلة ايام تردة

الأربعاء، 7 مارس، 2012
اطريلي ولد مازق

هذة القصيدة للشاعر خيرالله بو امجاور
رداً على الشاعر صالح بومازق في قصيدة
ياراس ماجاتك ولا خباره من شور غوش في برسس انزاحت داره
ابان الاحتلال الايطالي وضمم الاهالي الى المعتقلات
وتوقفو في برسس لاشهر
يقول الشاعر خيرالله امجاور (العاصي )
اطريلي ولد مازق ايريد سهاري ،،، من راس كيكبان اللي شهير اقراري
له ايمين بقراره علي موجاري ،،، لاشافهم لاجاب منهم ماره
لاحذاه لعبو فوق زرق جراري ،،، لاسحبوا فوقه اللي اللذاذ عذاره
ولانقروا طرحه بضات بداري ،،، وجاب الركس خزرت هميل القاره
مول الوشام اتقول طابع قاري ،،، بوعضد مالي هلع جيب اسواره
لفت علي بوريش عالي الساري ،،، قدامه خماس يحوس في سمساره
ولقيت اضيوف وجايبين سهاري ،،، لفت عليليمن وهي تذاره
بوها اعبيدي ع المقام الداري ،،، مسعودي امصفى قسم بيت الجاره
سبحان ياولد مازق عليك مطاري ،،، جميع الشهير اتحط من قماره
لازول منهم لانباء لاطاري ،،، ركابة اللي عاتي لذيذ مساره
أن ناشه الجايل زاد فيه الشاري ،،، تخلط نصيه في حرير عذاره
ان ثاب الذخير اتقول جدي صحاري ،،، متخايل وحش عمد علي دياره
وراه رحل جاء زاكم نخيل بداري ،،،
شوشت كراميده عبيد سكاره
وين ما نزل ونس اللي جاء ساري ،،،خرز بلغته فيهن عطيب نهاره
ان لعبن حوارينه سبيب سواري ،،، وأن لمن كما حضره علي بنداره
ضنا ارفاد وسليمان دمعي جاري ،،، عليهم كما شلال وادي ماره
هل شيخ مبشر للضيوف اكباري ،،، وهل عيلن واتي لقول ايساره
ومنصور ضربت من عليه النوبه ،،، ارواق بيتنا لولاه ما يذاره
وباقي حبابي في جبا مرتوبه ،،، جموز من استاحش من ضنيت الحاره
هل خوخ سد وبندقه مكتوبه ،،، وهل سابقاً تلحق هميل القاره

رفيقة في الدرب الشاعر خير الله الشوبكي الكريمي