جديات الموضوع

عندما اجلس وأخطط لمستقبلي

أشعر أن الحظ يجلس خلفي
ويأكل فستق ويرمي القشر علي
ويقول : ايوة وبعدين ؟!

هههههههههههههههههههههههههههه

تسلم خيي ولا شكر على واجب ,,بس هكي هو صاير انا انخطط وانخطط ولكن مع الاسف كل شي تحقق لعــــــــــــند وصلت للتخرج الحظ قالي خلاص كفيت ووفيت معاك تخرج وتخرجتي والباقي مش شوره ,,هههههههههههههه

هههههههههههههههه

مايسترو كتب:هههههههههههههههه

اضحك اضحك يا شكولاته توا تجرب قعدة الحوش

الله لايجيبها انتى اللى نيتك شينا تقعدى بس

ههههههههههه

توتي
اكيد اتخططي للمستقبل فالليل و انتي راقدة على ظهرك و مسمرة عيونك فالسقف
طبعا اللي يبي ايسير ترقدي و توعي فالصبح تلقي كﻻم الليل سايح
ﻻن و ببساطة :
احلام الليل مدهونة ابزبدة ... يطلع عليها الصبح اتذوب
لما تبي اتخططي للمستقبل تعالي الساعة 10 فالصبح وقمعزي على كرسي و خوذي ورقة و قلم واكتبي اللي تبيه عليها
و دسيها ...
و بعد شهر طلعي الورقة و اللي تحققت امحيها و اللي مازالت ديري تحتها خط وكتبي فوقها احلام صعبة المنال
و سليمتك

و علي قول الشاعر :
و ما نيل المطالب بالتمني .... و لكن تأخذ الدنيا غلابة
بكسر الغين تقرأ غيلابا

توتي ما تتشائمي
لان اكثر الناجحين فالحياة هم ... كثيرو اﻻحلام
الورق واجد و الحلم بالبلاش
احلمي
فربما يوما يتحقق الحلم و على غفلة من الزمن

ههههههههههههههه

مشكــــــــــــــــــــورة كل الشــــــــــكر اختي القديسة
ومن قال نحلم في الليل تي في كل وقت قاعدة نفكر ونخطط للمستقبل الزاهر ربي يقدرني ونحقق كل اللي نبيه ان شاءالله...