مجموعه جديدة غناوي وشتاوي

اتصيرلى لطه فيك @ الها ثلاث مرات ياغلا

قيسه مو مطلوق غلانا @ ثالث مره لط امعانا


منزول خاطرى من قبل @ مافيه يا اجدد وين تنزلو...


يانازل لا تحمابى @ مانازل عالنازل عابى


راكم يالولاف اتجونى @ رانى عالهيفوف خطونى


نزيل وطب عليه نزيل @ انخاف ايشيلنى ويشيل


اللى منزوله يالقديم @ اتجيها راك اتبات عديم


كيف اتفك اللى قدامى @ ونا بين اكتوفى رامى


رانى يالولاف رميه @ كيف انريد انفك رميه


كيف انريد جديد انلمه @ رامى حتى نا انترمه


ياعزيز نرجو فيك @ منام عالملاقا نلحقو


اتريد ياعزيز ضراى @ ونا فى ضرا الغير واعره


تهايو سرقنى نوم @ اوعيت عادها غالى على


صاحب صوب على خاطيه @ رامى كيف انفك رميه


غفيت اشوى وهو جانا @ مرهون ايعدد وعانا


اتريدو يالولاف ضراى @ ونا متضارى يامطراى


حتى قولتنا خطرها @ مرات العين اتسمرها


ياطارى يوم التوديعه @ كيما تلمس فى وجيعه


عينى ماجابته حيله @ دارت فى البارح ليله


ضيقات احبالى جني @ مايمشن نين ايبكني


جاك منام وياما درتى @ ليلتا ياعين سمرتي


عينى تصنت فى عقلى @ قالتلى من جوا يقلى


خلك ياعين معا عقلى @ هو يقلى وانتى تدقلى


عينى تصنت فالخاطر @ قالتلى كنا يساطر