غناوي وشتاوي على الكبد .... ردوها علي إن استطعتم .

من مدة كبدي منفرعة **** عدا كل عزيز بقرعة

كل عزيز خذا ماسدا **** من كبدي ياعين وعدا

كملتي يا كبدي تقسيم **** إمغير الحيل خذاه قديم

كبدي مرهون إمقسمها **** ولي بين أيديه ظلمها

كبدي ذابت يا غيابي **** ماعد جيتوا شور إحسابي

كملتي ياكبدي تنهيش **** لي مو واخذ قال إمنيش

كبدي ياالغوالي ذابت **** منكم والقسمية غابت

كملتي ياكبدي تشريك **** لي ماجاتك تو أتجيك

كملتي ياكبدي تشريح **** علي كانون إمقابل ريح

قاسي يا مرهون عليها **** بين إيديك تقلب فيها

أيقلب في كبدي تقليب **** قديم وحظي فيه عطيب

كانون المرهون تقاوة **** والكبد تقول علي طاوة

قولو عالكبد الله دايم **** راحت بين ايدين قسايم

هك وهك قديم قلبها **** كبدي عالنار وسيبها

كبدي ماطيبها والي **** قسمت بين أيدين غوالي

إرطبهن يامرهون أيديك **** كمل جوفي منك تشريك

أتشرك ياغالي وأتزيد **** بعد الكبيدة ويش أتريد

علي كبدي من غير خصيم **** خذيت الغاية يالقديم

لي هاذا ينتش بيديه **** الكبد إتقول إتعز عليه

عليها داشع يالقديم **** الكبد ومسع جاك خصيم

ياناتش كبدي خليها **** فيه عرب قرعتهم فيها

كملتي ياكبدي تشريك **** لي له قرعة تو أيجيك

كبدي يالولاف أخذوها **** وين أتحطوها حطوها

حزت يا عين السهرايا **** كبد وشالوها الغنايا

لي ماعندا شي واشون **** أيزكي كبدة عالمرهون

عليكم يالولاف أشوي **** خذيتوا كبدي ولي لي

قسمتوها قسمة وراث **** أتقول إلا جرة محراث

وين عليه اكبيدة درنا"""رد عزيز كسر خاطرنــــا

كل عزيز خذا ماسدا **** من كبدي ياعين وعدا

عزيز علي نيران الشوق ؛؛؛؛ ايقلب في كبدي ويذق

كبدي ع النيران شووها .. قدامي ذابت خلوها

نيران عزيز اللي جوها .. تكل في كبدي خلوها
كبدي ذابت لا تلمسا ..... فاهق شين عليها قسا
الكبد انقسمت بين اقند ... مراهين وفاضي واجدد
خلاص خطانى يا القديم....ذابت كبدى تميت عديم
لوكان عزيز اتقولوله .... كبدي من ناره ميكولة
اتذوب الكبد وتبقى دم.....وما ننسى طاري لقدم
ايش رايك ياصاحبى.......تبى انزيدك....مشكور حبة مسك تقبل مرورى

مشكور بوفرقه على هذه الشتاوى

غنــــــــــــــــاوي :
عزيز من جنين الكبد **** عندى غلى وزياده اشوى
خذيت ياعزيز الكبد **** خليلى اشوى قيس عيشتى
انخاف يا عزيز عليك **** اندير كبد تلوى ايدى بها
على عزيز داير كبد **** وهو على ما با ايديرها
افداك يا عزيز الكبد **** اللى بين نيرانك هفت
على عزيز عندى كبد **** حتى ونا انوارى ذايبه
انحايل امغير اوحلت **** على عزيز كبدى ذايبه
ذايبه يا بعيد عليك **** الكبد نين روحه تالفه
فى الكبد نازلين ابثقل **** اعزاز نين فى دمى جرو
بريافك كليت الكبد **** نلقانك يا بعيد ضريتنى
تكبيد وغلا و رياف **** على عزيز عقلى منتهى
مقسى اكبودهم ياعين **** اللى عليك ما بو ينشدو
الكبد ياعزيز عليك **** حنونه و رقيته على
حنونه ودارت كبد **** على عزيز ويش ايفضها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
المفيــــــــــــــــــد :
عزيز كلا كبدى بغلاه **** امرايف ع الميعاد امعاه
مازالت كبدي مفروعة **** مابين اللومة واللوعة
رمشة عين انريد انشوفه **** كبدى ع الغالى ملهوفه
من مدة كبدي منفرعة **** عدا كل عزيز بقرعة
كبدي من مدة مقسومة **** لكن تمسك في اللومة
كملتي ياكبدي تنهيش **** لي مو واخذ قال إمنيش
قولو عالكبد الله دايم **** راحت بين ايدين قسايم
كبدي ماطيبها والي **** قسمت بين أيدين غوالي
اللي هضا ينتش بيديه **** الكبد إتقول إتعز عليه
__________________
هاك على ايدك يا بوفرقة .....

الله ايطربكم اوماخليتو مانقولو

شكرا ياهيلع على المرور الرائع

داير عليك اكبيده .. و مازلت يا غالى غلاك انريده .. حتى و انت على بعيد

لوكان ياعزير اتبان .. تمسح ارياف كبدي الذايبه

تصليـب جابهــا ع الكبد ... خبير ياعلم نار الغــــلا

بعروقة لوا عالكبد ...غلا عزيز تنتيشه اصعب .

قناص جابه ع الكبد..خبير نار لولاف صابنى..[b]

الياس رشق في كبدي عود......ومرمدها في نار خمود
الكبد امخليها القديم ... .....مكب اكناسه وامفاحيم
ودك تشوي ودك تقلي .....يامرهون عطيتك كبدي
عندك ياعين اترقريقه......كبدك علي لولاف رقيقه
(عزيز فاتك ياكبد......اسملا علي ان ما قسم)
(عزيز كي جنين الكبد...نزعل عليه ونعاود رضاء)
(اعزاز مو امغير الكبد...في ليله كلتني نارهم)

كملتي ياكبدي تشريح .... علي كانون إمقابل ريح
(صقر القبايلي)


كبدي مرهون أمقلويها .... كل نهار أيلذع فيها
(المهشهش )


قاسي يا مرهون عليها .... بين إيديك تقلب فيها
(بوالبيضا )




أيقلب في كبدي تقليب .... قديم وحظي فيه عطيب
(العريبي )


كانون المرهون تقاوة .... والكبد تقول علي طاوة

(بوالبيضا )


قولو عالكبد الله دايم .... راحت بين ايدين قسايم
(عوض حامد )








هك وهك قديم قلبها .... كبدي عالنار وسيبها
(العريبي )


كبدي ماطيبها والي .... قسمت بين أيدين غوالي
(عوض حامد )

إرطبهن يامرهون أيديك .... كمل جوفي منك تشريك
(بوالبيضا )




أتشرك ياغالي وأتزيد .... بعد الكبيدة ويش أتريد
(بوالبيضا )


علي كبدي من غير خصيم .... خذيت الغاية يالقديم
(العريبي )


لي هاذا ينتش بيديه .... الكبد إتقول إتعز عليه

(عوض حامد )







عليها داشع يالقديم .... الكبد ومسع جاك خصيم
(صقرالقبايلي )


الكبد أنقسمت بين ثلاث .... أتقول إلا قسمة وراث
(بوالبيضا )


ياناتش كبدي خليها .... فيه عرب قرعتهم فيها
(المهشهش )




ثلاث قسمنا يامرهون .... أمعاك ولي وللواشون
( بوالبيضا )


يا كبدي ذبتي بليلك .... ماعد عندي وين أنشيلك
(المهشهش )




أخذوها مانبي لاشي .... لي ماوخذت تو إتجي
(المهشهش )


كبدي يالولاف أخذوها .... وين أتحطوها حطوها

(المهشهش )


حزت يا عين السهرايا .... كبد وشالوها الغنايا

(صقرالقبايلي )




لي ماعندا شي واشون .... أيزكي كبدة عالمرهون
(بوالبيضا )


عليكم يالولاف أشوي .... خذيتوا كبدي ولي لي
(العريبي )


قسمتوها قسمة وراث .... أتقول إلا جرة محراث
(بوالبيضا )


أمغير تعالو يالقدم .... جميع الي في الجوف ألكم
( المهشهش )

شكراً لك على هذا الاطراء الاكثر من رائع

بالبكيه داكن داويته _غير ابكاي مرض ثاريته
مع تحياتي (( طيب ليبيا ))

علي كبدي من غير خصيم .... خذيت الغاية يالقديم

سلام عليكم وتحياتي وتقديري للجميع وعندي الاغاني هذين بلكي ينفعنكم
من مدة كبدي منفرعة **** عدا كل عزيز بقرعة

كل عزيز خذا ماسدا **** من كبدي ياعين وعدا

كملتي يا كبدي تقسيم **** إمغير الحيل خذاه قديم

كبدي مرهون إمقسمها **** ولي بين أيديه ظلمها

كبدي ذابت يا غيابي **** ماعد جيتوا شور إحسابي

كملتي ياكبدي تنهيش **** لي مو واخذ قال إمنيش

تحياتي وتقديري اخوكم (( طيب ليبيا ))