غناوي وشتاوي على الكبد .... ردوها علي إن استطعتم .

تذكير بمساهمة فاتح الموضوع :

من مدة كبدي منفرعة **** عدا كل عزيز بقرعة

كل عزيز خذا ماسدا **** من كبدي ياعين وعدا

كملتي يا كبدي تقسيم **** إمغير الحيل خذاه قديم

كبدي مرهون إمقسمها **** ولي بين أيديه ظلمها

كبدي ذابت يا غيابي **** ماعد جيتوا شور إحسابي

كملتي ياكبدي تنهيش **** لي مو واخذ قال إمنيش

كبدي ياالغوالي ذابت **** منكم والقسمية غابت

كملتي ياكبدي تشريك **** لي ماجاتك تو أتجيك

كملتي ياكبدي تشريح **** علي كانون إمقابل ريح

قاسي يا مرهون عليها **** بين إيديك تقلب فيها

أيقلب في كبدي تقليب **** قديم وحظي فيه عطيب

كانون المرهون تقاوة **** والكبد تقول علي طاوة

قولو عالكبد الله دايم **** راحت بين ايدين قسايم

هك وهك قديم قلبها **** كبدي عالنار وسيبها

كبدي ماطيبها والي **** قسمت بين أيدين غوالي

إرطبهن يامرهون أيديك **** كمل جوفي منك تشريك

أتشرك ياغالي وأتزيد **** بعد الكبيدة ويش أتريد

علي كبدي من غير خصيم **** خذيت الغاية يالقديم

لي هاذا ينتش بيديه **** الكبد إتقول إتعز عليه

عليها داشع يالقديم **** الكبد ومسع جاك خصيم

ياناتش كبدي خليها **** فيه عرب قرعتهم فيها

كملتي ياكبدي تشريك **** لي له قرعة تو أيجيك

كبدي يالولاف أخذوها **** وين أتحطوها حطوها

حزت يا عين السهرايا **** كبد وشالوها الغنايا

لي ماعندا شي واشون **** أيزكي كبدة عالمرهون

عليكم يالولاف أشوي **** خذيتوا كبدي ولي لي

قسمتوها قسمة وراث **** أتقول إلا جرة محراث

وين عليه اكبيدة درنا"""رد عزيز كسر خاطرنــــا

كل عزيز خذا ماسدا **** من كبدي ياعين وعدا

تجميع سليمان الخفيفي
تصليب جابها ع الكبد خبير ياعلم نارا لغلا.
"امدره كبدي يامرهون..نين علي اقريب اتهون"
علي جديد درنا كبد كله..... مكر فى عيت القدم
مع تحيات طيب ليبيا

كلت الكبد ولمصرنا وشاطت نارها فوق فيها حرنا ..طشة اصحاب الصوب

تجميع سليمان الخفيفي
كبدي يامرهون افداك
نعطيها ونموت احذاك
تحياتي طيب ليبيا

باريافك كليت الكبد ننقانك يابعيد ضريتني
كبدي منتهية مدتها تلمسها تاخذ حشمتها

رديت عالبكا ملزوم .... مليان والمشاكي شاويه
قضيتن ابكاى وخلاص .......... اسنين الزها ما ريتن
رديت عالبكا ملزوم .... مليان والمشاكي شاويه
ابكا عليه قبل ايصير ... خطا عزيز واحيه خاطرى
ايريدن من النهار اشوى ... بكا اليل ما عاد سادهن
تباكن ودارن عزم .. وسكتن كيفهن كيف غيرهن
لو كان يا عزيز ابكاي.... عليك دين وايش ايخلصه
حضورك على سهوات .... بكى العقل والعين يا علم
بعد بكاه وان تغيب نقص ... عزيز ما نامن لحد

الياس غرس في كبدي عود ومرمدها في نار خمود

ميت موت عليك مرايف..........نبي نجيك ولكن خايف
حتى كان قصير طوله ............يمشي في مشية معدولة
ياخالق للروح انفسها.............ماتغيب ع العين ونسها
لانسحر لاندير كتيبه ..............اللي انحطه في راسي اجيبه
لانسحر لا ندير كتايب ..............هو بروحه فيا دايب

كبدي والرية وأجنابي * * * ذابن ذوب علي غيابي..صصقعع

الكبد اللي دها مذهوب دواها عند اصحاب الصوب

كبدي ذابت ويش الراي ارياف علي روحي وغلاي

كبدي ذابت لا تلمسه فرقه غاليها هايسه

الي ينتشو ف الكبد نسيين غيرهم فيها اخرا ><><><>< ياناتش كبدي خليها فيه عرب قرعتم فيها

عليكم يالولاف أشوي .... خذيتوا كبدي ولي لي

كبدي من غادي مخلوقا كل امرار قديم اتذوقا

الكبد بين هفايين مطروحا علي نيران الغلا

كبدى كملت غير اسماها من غالي عدا او خلاها

لوهام كي جنين الكبد,,,,,,,,,,,,,,,مشغال غيرهن ماعندنا

الكبد ايقسم فيها ود,,,,,,,,,,,,,,,,,,,,,,اتريد اقدم واتريد اجداد

كبدي من غادي مخلوقا كل امرار قديم اتذوقا

البارح رميت عليـــه*** نشكيله بما دار جارحــي