غناوي وشتاوي على الكبد .... ردوها علي إن استطعتم .

تذكير بمساهمة فاتح الموضوع :

من مدة كبدي منفرعة **** عدا كل عزيز بقرعة

كل عزيز خذا ماسدا **** من كبدي ياعين وعدا

كملتي يا كبدي تقسيم **** إمغير الحيل خذاه قديم

كبدي مرهون إمقسمها **** ولي بين أيديه ظلمها

كبدي ذابت يا غيابي **** ماعد جيتوا شور إحسابي

كملتي ياكبدي تنهيش **** لي مو واخذ قال إمنيش

كبدي ياالغوالي ذابت **** منكم والقسمية غابت

كملتي ياكبدي تشريك **** لي ماجاتك تو أتجيك

كملتي ياكبدي تشريح **** علي كانون إمقابل ريح

قاسي يا مرهون عليها **** بين إيديك تقلب فيها

أيقلب في كبدي تقليب **** قديم وحظي فيه عطيب

كانون المرهون تقاوة **** والكبد تقول علي طاوة

قولو عالكبد الله دايم **** راحت بين ايدين قسايم

هك وهك قديم قلبها **** كبدي عالنار وسيبها

كبدي ماطيبها والي **** قسمت بين أيدين غوالي

إرطبهن يامرهون أيديك **** كمل جوفي منك تشريك

أتشرك ياغالي وأتزيد **** بعد الكبيدة ويش أتريد

علي كبدي من غير خصيم **** خذيت الغاية يالقديم

لي هاذا ينتش بيديه **** الكبد إتقول إتعز عليه

عليها داشع يالقديم **** الكبد ومسع جاك خصيم

ياناتش كبدي خليها **** فيه عرب قرعتهم فيها

كملتي ياكبدي تشريك **** لي له قرعة تو أيجيك

كبدي يالولاف أخذوها **** وين أتحطوها حطوها

حزت يا عين السهرايا **** كبد وشالوها الغنايا

لي ماعندا شي واشون **** أيزكي كبدة عالمرهون

عليكم يالولاف أشوي **** خذيتوا كبدي ولي لي

قسمتوها قسمة وراث **** أتقول إلا جرة محراث

وين عليه اكبيدة درنا"""رد عزيز كسر خاطرنــــا

كل عزيز خذا ماسدا **** من كبدي ياعين وعدا

البارح رميت عليـــه*** نشكيله بما دار جارحــي

الي ينتشو ف الكبد ناسين غيرهم فيها اخرا

ياناتش كبدي خليها فيه عرب قرعتم فيها

الكبد امشرحها تشريح ......علي كانون اصدار الريح

أيقلب في كبدي تقليب **** قديم وحظي فيه عطيب

الكبد بين هفايين@@@مطروحة علي نار الغلا

هك وهك قديم قلبها **** كبدي عالنار وسيبها

كملتي ياكبدي تشريك,,,,,,,,,,,,,,,,,,,اين غالي قال انداويك

أتشرك ياغالي وأتزيد **** بعد الكبيدة ويش أتريد
صدقت يا جمال

ياكبدي الرقيقه كنك ,,,,,,,,,,,,,,هو زاهد مايبي حنك

اتذوب الكبد وتبقى دم.....وما ننسى طاري لقدم

عزيز كلا كبدى بغلاه ... امرايف ع الميعاد امعاه

من طول رجا القديم ,,,,,,رايحا ذايبا ياكبيتي

حنونا ودارت كبد علي عزيز ويش ايفضها

ياكبيدي الرقيقه كنك هو قاسي مايبي حنك

الكبد في رحات الياس يطحن قديم ويهاجو اجدد

أيقلب في كبدي تقليب * * قديم وحظي فيه عطيب

علي كبدي من غير خصيم **** خذيت الغاية يالقديم

الكبد الحرفا مانحساب ادير خطا لولاف صواب

اكملتي ياكبدي تشريك اين غالي قال انداويك

كبدي يا غالي منقسما ... بين عزيز ولطة قسما

الكبد زاقا واخطرو اطلقت بين عيني ودمعها

الكبد ذايبا اوخلاص بعد قديم هذا حالنا

الكبد ايقسم فيها ود اتريد اقدم واتريد اجدد

ياكبدي الرقيقه كنك هو قاسي مايبي حنك

كملتي ياكبدي تنهيش **** لي مو واخذ قال إمنيش

علي عزيز داير كبد ع الغير دار مادارها علي

مجيد بومعطي

الكبد ذايبا م الوقت وسعدي والقدم ماقصرو

بوريا البرعصي

هك وهك قديم قلبها **** كبدي عالنار وسيبها

اسملا علي كبيتك

الكبد ذايبا اذوبان من غيبت غوالي يخطرو

يانويرتي ع الكبد خلوها علي نار وباعدو

الكبد ذايبا م الوقت وحتي قديم مو داير اشوي

بوريا البرعصي