يا انـظـــار -- جبريل الرعيدي

يا انـظـــار -- جبريل الرعيدي



يا أنظار ديرن عزم لا اتباكن ... ناس واجده طار يلها أمطراكن




ليش سماره ... أو ليش ذار فات أو دمعكن يجاري


الدنيـا قديمـــــــــة خـــــاينة غدارة ... ما وقعت ما من أقري أومساكن




ليش أتسلين ... و ليش سامرات تنزلن واتشيلـــن


ليام ما عليهن غيظ وين أيميلــــــن ... ديرن شجاعــــة واطلبن مولاكن




لا تجاحن ... أيام مضن في العمر طاحن راحن


و حطن دبشكن ع الوطا وارتاحن ... قص الجراير رآه غير أشقاكن




لا تنشطن .... و ليش سامرات أو ترفعن واتحطن


ليـــام كيف الريح غير ايلطــــــــــن ...زعازيعهن قدامكن أو وراكــــــن




يا موصاير ...أو ما من اللي شارق مداره حايــــر


ليـام نزلن حتى الطير الطايــــــــــر ....رآه البكا والدمع غير عماكـــــن




يا مارينا ...واللي كلا قسمة ايواطي عينـــــــــــــــه


و صاحب الدين إن جاه يأخذ دينــــــــه ....لا تجهلن رآها الموت وراكـــــــــــن




ديرن عبره ....و ليش سامرات و خانقتكن عبـــــــره


حتى لو بكيتن جرحكن ما يبــــــــــــرا ....و لا ا يحس في واحد اللي كواكــــــن




لا تعتبن ع الدنيا ....و لا ا هناك من حدود ا حدود المنيــا


و ما من فريسة قاعدة منحنيـــــــــــة ....أولا ا حس في واحد اللي طغوا كن




يا ماريتن ....و ياما مشيتين في الزمان أو جيتـــن


و كم علة قابلكي عليه أرقيتــــــــــــن ...لا حد و صفكن لا أخرب ممشاكــــن




ما من اللي بعيونــه ... أياما أو هو صافي أو قاعد عونـــــــــــــــه


واليوم فارغات أو طايحات اجفونــــــــــــه .... وأيخمم عليه امعناه كي امعـناكـــــــــــن




ما من قصور عوالي ... اللي من ما عاد فيهن وإلـــــــــــــــــــــــى


و ياما فقدتن من أو جوه غوالـــــــــــــــي .... اللي قبل ف الدنيا أقعـــــــود امعاكـــــــــن




ديرن عزم واسع فاضي ... اللي اعتب ع الدنيا أيعاود راضـــــــــــــــى
وأنسن طربكن ف الزمان الماضـــــــــــــي .... لا عاد تلقنا أو لا يلقاكــــــــــــــــــــــــــــــن




يا أنظار ديرن عزم لا اتباكن .... ناس واجده طار يلها مطركــــــــــــــــــــــن
****
وسلامتكم

مشكور يا غالى على ما طرحت بارك الله فيك